“نه حبس ائله مک نه هده قورخو بیر میللتی یولوندان جایدیرا بیلمز”
عقیل آذردخت
دورد آیا یاخین دیر میللی فعاللار معلوم اولمییان اتهاملارلا مدام یاخالانیب و کاملا قانونسوز امنیتین انفرادی حبس خاناسیندا ساخلانیلیرلار! بونون ندنی نه اولابیلر؟ آذربایجان حاق سئورلری مستقل بیر شخصیتلر اولاراق دوغما خالقینین مدنی سوی قیریم اولماقلارینا قارشی فرهنگی یوللارلا میللی حاقلارینی دوغرولتماغا چالیشیرلار. دوشونمگ اولمور هانکی مسلک؛ هانکی عرف؛ هانکی قانوندا حاق ایسته مک جرم سایلیر؟! بوردا نه باش وئریر؟ آیا پان ایرانیستلر و مانقورتلار مدنی حرکاتی رادیکاللاشدیرماغا چالیشیرلار؟ بئیله سه میللی فعاللار آییق و ساییق اولمالیدیلار. بلکه ده پهلوی رژیمی باجارا بیلمه دیگینی یعنی آذربایجانلیلارین دیلین کسیب فارس دیلی یاپیشدیرماق ایستئیرلر؟ البت کی بئیله بیر عمل و بئیله بیر دوشونجه همیشه مغلوب اولوب و حاق یئرین تاپیبدیر؛ شاید بیر آز زامان آپارا؛ آنجاق حاق یئرین تاپمالیدیر و حاق دوشمانلاری هدر یئره اوزلرین خالق گوزونده؛ تاریخده و عمومی فیکیرلرده پیس و منحوس گوستریرلر. بو قونودا عموم تورک میلتینه یئتن حبس اولونان میللی فعاللاردان حمایت ائدیب و اونلارین آزادلیقین ایستئیه رک قانونسوزلاری؛ نژادپرستلری و…محکوم ائتمکدیر.
یاشاسین آزادلیق؛ عدالت؛…و یاشاسین اینسانلیق.
