زئلئنسکی: موسکووا یالان سؤیله‌دی
اوکراینا دئولت باشقانی وولودیمیر زئلئنسکی، اورتودوکس نوئل قاپسامیندا آتش‌کس اعلان ائدیلمه‌سینه باخمایاراق سالدیرییا اوغرادیقلارینی ایفاده ائتدی.
اوکراینا دئولت باشقانی وولودیمیر زئلئنسکی، روسیا’نین آتش‌کسه اویمادیغینی سؤیله‌دی. ولادیمیر پوتین روسیا جمهور باشقانی اورتودوکس نوئل بایرامینا گؤره ۳۶ ساعات آتش‌کس اعلان ائدرک، ساواشی گئچیجی اولاراق دوردوراجاغینی بیلدیرمیشدی.
زئلئنسکی، آتش‌کسه رغمن باهموت و دیگر اوکراینا موضعلرینین وورولدوغونو ایفاده ائدرک، «موسکووا’دان گله‌ن هر طورلو سؤزون نه قدر یانلیش اولدوغونو بوگون دونیا بیر کز داها گؤره‌بیلدی. آتش‌کس ادعاسییلا ایلگیلی بیر شئیلر سؤیله‌دیلر. آما گئرچک شو کی، روس مرمیلری باهموت’و و دیگر اوکراینا موضعلرینی یئنیدن ووردو.» دئدی.
زئلئنسکی «روس ایشغالچیلارین اوکراینا توپراقلاریندان چیخاریلماسی و روسیا’نین اوکراینا’یا و توم آوروپا’یا باسقی اویغولاما فرصتلرینین اورتادان قالدیریلماسی؛ آتش‌کسین، گووئنلیگین و باریشین یئنیدن تاسیس ائدیلمه‌سی آنلامینا گله‌جکدیر» دئدی.
