محمود بیلگین: داخیلدهکی اقتصادی بحران و خاریجی فاکتورلار رژیمین ییخیلماسینی قاچینیلماز قیلیر
«آرتیق بیر نئچه آیدیر کی، ایران‌دا اعتراضلار داوام ائدیر. دئمک اولار کی، حاضردا ایران‌دا یاشایان بوتون خالقلار فارس-موللا رئژیمینین فاشیست ماهیتینه و قانلی ایداره‌چیلیینه قارشی چیخیرلار. بو ایسه رئژیمی غضبلندیریر. حاضردا رئژیمین جزا دسته‌لری خالقی جیدی شکیلده باسقیا معروض قویورلار».
بونو بایراقدار مئدیا-یا اؤزل آچیقلاماسیندا گونئی آزربایجان دئموکرات پارتییاسینین سؤزچوسو محمود بیلگین دئییب.
اونون سؤزلرینه گؤره، بو جور داورانیش اعتیراضچیلاری قورخوتمور، عکسینه، مؤوجود رئژیمین چؤکوشونو داها دا تئزلشدیریر: «بعضن اینسانلار دوشونور کی، ایران رئژیمی ۲۰۱۹-جو ایلده‌کی کیمی داورانیب، اؤزونو قورویا بیله‌جک. خاطیرلادیم کی، همین واخت رئژیم ۳ گونون ایچین‌ده ۳ مین‌دن چوخ اینسانی گولله‌له‌ییب اؤلدوردو. فارس شووینیست رئژیمینین غددار داورانیشینین نتیجه‌سی اولاراق بؤیوک فلاکت یاشاندی. اما بو دفعه شرطلر ده‌ییشیب.
دوزدور، ایندی رئژیم طرفیندن داها چوخ اینسان اؤلدورولوب. لاکین عینی زاماندا ساده وطنداشلار دا رئژیم تمثیلچیلرینه قارشی موباریزه‌نی ان سرت شکیلده داوام ائتدیریرلر. ایندییه کیمی ۷۰-دن چوخ رئژیم تمثیلچیسی ساده اینسانلار طرفیندن اؤلدورولوب. بو ایسه گرچه‌یی اورتایا قویور. گرچک اودور کی، میللت آرتیق بو قان ایچه‌ن رئژیمدن قورخمور، هر کس اؤز اعتراضینی بیلدیریر، ایران رئژیمینین سلاحلی قوه‌لرینه قارشی چیخیر. ان اساسی گنجلر، حتی اوشاقلار بئله رئژیمه قارشی دیرنیش گؤستریرلر».
بیلگین اولایلارین ایلک گونوندن فارس-موللا رئژیمینین ال آتدیغی بیر ایرنج پلان باره‌ده ده معلومات وئریب: «ایران رئژیمی چالیشیردی کی، ایلک گونلر بو اعتراضلاری ائتنیک مسئله کیمی قاباردیب تورکلری داها چوخ قیرسین. خاطیرلاییرسینیزسا، حتی شیراز معبدینه هوجوم ائدیلدی، اینسانلار اؤلدورولدو. بو مسئله‌ده ایرانین موللا رئژیمینین، تهلوکه‌سیزلیک قوه‌لرینین بیرباشا الی وار ایدی. مقصد بو حادثه‌لرده گوناهی آزربایجانین اوزرینه آتماق ایدی. آنجاق بو پلانلاری ایفلاسا محکوم اولدو. بو زامان دا گوناهی تورکییه‌نین، بو دا آلینمایاندا عربیستانین اوزرینه آتماغا جهد ائتدیلر.
یعنی موللا رئژیمی داخیلی گرگینلیکدن، خالقین غضبیندن یایینماق مقصدی ایله خالقلار آراسیندا قارشیدورما یاراتماق ایسته‌ییر، صونعی شکیلده خاریجی دوشمن اوبرازی یاراتماغا جهد ائدیردی. آنجاق بو چیرکین پلانلاری باش توتمادی.
موللا رئژیمینین کوردلرله آزربایجانلیلارین آراسیندا قارشیدورما یاراتماق چالیشماسی دا ایفلاسا اوغرادی. عکسینه، بو، بومئرانق ائتکیسی وئردی. سون نتیجه‌ده بو گون ایرانداکی بوتون خالقلار فارس-موللا رئژیمینه قارشی بیرله‌شیبلر.
بوتون بونلار ایسه اونو دئمه‌یه اساس وئریر کی، پروسئسلر گئج-تئز ایرانین مؤوجود رئژیمینین چؤکمه‌سی ایله نتیجه‌لنه‌جک. یعنی ایرانداکی بوتون خالقلارین عصیانی فارس-موللا رئژیمینین چوکمه‌سینی سورعتلندیریر» .
محمود بیلگین وورغولاییب کی، حاضردا داخیلدهکی اقتصادی بحران و خاریجی فاکتورلار دا رئژیمین چؤکوشونو قاچینیلماز قیلیر: «باخین، بو گون ایرانین میللی والیوتاسی (ریال) دوللار قارشیسین‌دا ده‌یر ایتیریب. ایران اقتصادیاتی چؤکوب. رئژیم اینسانلارین احتیاجلارینی قارشیلایا بیلمیر. اؤز نؤوبه‌سینده بؤیوک دؤولتلر، او جمله‌دن آمئریکا بیلرشمیش دولتلری، آوروپا بیرلیینه داخیل اولان آپاریجی اؤلکه‌لر، پاکیستان ایران رئژیمینه قارشیدیر. بیرجه چین قالمیشدی، او دا عربلرله گاز، انرژی مسئله‌سی ایله باغلی موقاویله‌لر باغلاییب، بیرگه ایشلر گؤرمه‌یه باشلاییب.
بئله‌لیکله، ایران رئژیمی ایندی دونیادا دئمک اولار کی، لاپ تک قالیب. ایران بو گون دونیادان تجرید (منزوی) اولونوب. داخیلده ایسه میللت رئژیمی سئومیر، اعتراضلار داوام ائدیر. بو باخیمدان مؤوجود ایران رئژیمینین چؤکوشو قاچینیلمازدیر».
