مجید جوادی: وطنداشلارین آرتیق موللا رئژیمینه هئچ بیر گووه‌نی قالماییب
«ایران‌دا هرطرفلی بحران داوام ائدیر. بیر طرف‌دن اعتراضلار دؤردونجو آیدا بیر آز سنگیمیش گؤرونسه ده، اصلینده، داوام ائدیر. عینی زاماندا ایران‌دا عمومیلیک‌ده درین سیاسی و اقتصادی بحران حؤکم سورور».
بونو بایراقدار مئدیا-یا اؤزل آچیقلاماسیندا گونئی آذربایجان میللی دیرنیش تشکیلاتینین تورکییه تمثیلچیسی، عینی زاماندا مرکزی شورا عضوو اولان مجید جوادی دئییب.
ایرانین میللی پولو دولار قارشیسیندا سرعتله ده‌یر ایتیریر
او، بیلدیریب کی، اؤلکه‌نین میللی والیوتاسی (ارز) دولار قارشیسیندا سرعتله ده‌یر ایتیریر: «تصور ائدیرسینیز، اول دولار ۳۸ مین تومن ایدیسه سون گونلر ۴۲-۴۳ مین تومنه ده‌ییشیلیر. قیسا مدتده ایران پولو هارداسا یوزده ۲۰ ده‌یر ایتیریب. بو دا ایرانین میللی والیوتاسینین آجیناجاقلی دورومونو گؤزلر اؤنونه گتیرمکله، اقتصادیاتین نئجه برباد وضعیته دوشدویوندن خبر وئریر».
اینسانلار اؤز پوللارینی ایران بانکلاریندان چیخاریب خاریجه داشیییرلار
قئید ائدیلیب کی، بو، اؤزو ایله دیگر بیر پروبلئمی ده میدانا گتیریب: «وطنداشلارین آرتیق موللا رئژیمینه و سیستئمه هئچ بیر گووه‌نی قالماییب. اونا گؤره ده اینسانلار اؤز پوللارینی ایران بانکلاریندان چیخاریب خاریجه داشیییرلار. اؤلکه‌دن بؤیوک میقداردا پول چیخاریلیر. یا دا وطنداشلار ایران پولونو دولارا، قیزیلا ده‌ییشیرلر. بو دا دولارین سرعتله باهالاشماسینا سبب اولور. ایران رئژیمی خاریجدن دولار گتیریب ساتیشا چیخارماقلا بازاردا تنظیمله‌مه ائتمک ایستییر. آنجاق بو، موثبت نتیجه وئرمیر».
ایران-ائرمنیستان قارداشلیغی داها دا ده‌رینلشیر
مجید جوادی‌نین سؤزلرینه گؤره، سادالانانلار فونوندا ایران‌دا سیاسی-اقتصادی بحران هر کئچه‌ن گون داها دا درینلشیر: «طبیعی کی، بوتون بونلارین کؤکونده رئژیمین یاریتماز سیاستی دایانیر. رئژیم اؤزونه چکی-دوزه‌ن وئرمکدنسه، بو یانلیش سیاستی داوام ائتدیریر. بو دا خالقی ایندیکی رئژیمدن داها دا اوزاقلاشدیریر. خصوصیله ده گونئی آذربایجان‌دا رئژیمین آنتی-آذربایجان، آنتی‌تورک سیاستی داوام ائدیر. بو آزمیش کیمی، ایران رئژیمی ائرمنیستانا هرطرفلی دستک وئرمکده داوام ائدیر. هر کئچه‌ن گون ایران-ائرمنیستان قارداشلیغی داها دا درینلشیر. یئنی-یئنی موقاویله‌لر ایمضالانیر. ایران مئدیاسی زنگه‌زور و لاچین مسئله‌سینه یاناشمادا ائرمنی‌پرست مؤقع سرگیلییر».
تک چیخیش یولو گونئی آذربایجان جومهوریتی‌نین اعلان ائدیلمه‌سی‌دیر
هئچ شوبهه‌سیز بوتون بونلار گونئی آذربایجان تورکلرینین دقتیندن یایینمیر: «بوتون سیاسی، اقتصادی، اجتماعی بحرانلارلا یاناشی ایرانین بو آنتی-آذربایجان و آنتی‌تورک سیاستی ده خالقیمیزین عصبلرینه توخونور. اونا گؤره ده خالقیمیزین بو رئژیمله هئچ بیر باغی قالماییب. بیزیم تک چیخیش یولوموز گونئی آذربایجان جومهوریتی‌نین اعلان ائدیلمه‌سی‌دیر».
