مجید جوادی: گونئی آذربایجان‌لیلار ایلهام علیئوین قطعیتیندن گوج آلیر
مجید جاوادی: امینیک کی، قاراباغ مسئله‌سی کیمی گونئی آذربایجان مسئله‌سی ده محض جناب پرئزیدئنت ایلهام علیئوین مودریک‌لیگی سایه‌سینده اؤز حلینی تاپاجاق
«۲۴ دئکابر جناب پرئزیدئنت ایلهام علیئوین دوغوم گونودور. من جناب پرئزیدئنتی بو گون موناسیبتیله تبریک ائدیره‌م. آذربایجان خالقی خوشبخت‌دیر کی، اونون جناب ایلهام علیئو کیمی پرئزیدئنتی، لیدئری وار».
بونو بایراقدار مئدیا-یا اؤزل آچیقلاماسین‌دا گونئی آذربایجان میللی دیرنیش تشکیلاتینین تورکییه تمثیلچیسی، عینی زاماندا مرکزی شورا عضوو اولان مجید جوادی دئییب.
او، قئید ائدیب کی، جناب ایلهام علیئوین آدی آذربایجان تاریخینه قیزیل حرفلرله یازیلیب: «جناب پرئزیدئنت ایلهام علیئو آذربایجان خالقینین اوزون مدت‌دن سونرا میللتیمیز و وطنیمیز آدینا بؤیوک اوغورلارا ایمضا آتمیش بیر مظفر عالی باش کوماندانی کیمی آذربایجان تاریخینده اؤز یئرینی آلمیشدیر. یوز ایللر سونرا ایلک دفعه محض جناب ایلهام علیئوین رهبرلیگی ایله آذربایجان ساواشدان تورپاق ایتیرمه‌دن و تورپاق قازاناراق آیریلیب. آذربایجان اوردوسو موزففر عالی باش کوماندانین رهبرلیگی ایله ایکی ایل اؤنجه ۴۴ گونلوک وطن محاربه‌سیندن تورپاق ایتیرمه‌دن، عکسینه، ایشغال آلتینداکی تورپاقلارینی ایشغال‌دان آزاد ائد‌رک و دوشمنی دارماداغین ائد‌رک غالیب آیریلدی. من همین مقدس ساواشدا شهید اولانلارا رحمت، غازیلره ایسه جان ساغلیغی آرزولاییرام».
مجید جاوادی بیلدیریب کی، جناب ایلهام علیئو آرتیق ایکینجی ایلدیر کی، نؤوبتی دوغوم گونونو عالیب اؤلکه‌نین رهبری، دونیا دوزه‌نینده حؤرمت و رغبتله قارشیلانان بیر دؤولت باشچیسی کیمی قئید ائدیر: «بو گون دونیا دوزه‌نینده خصوصی حؤرمته مالیک اولان جناب ایلهام علیئو گونئی آذربایجان مسئله‌سینه ده چوخ حساس و دقتله یاناشیر. ان عالی کورسولرده، بئین‌الخالق تدبیرلرده گونئی آذربایجان تورکلرینین پروبلئملرینی دیله گتیره‌ن، بیزلرین حاقلارینی مدافعه ائد‌ن جناب ایلهام علیئو بونونلا دا دونیاداکی بوتون آذربایجان‌لیلارین، او جمله‌دن گونئی آذربایجان تورکلرینین ده پرئزیدئنتی اولدوغونو قطعیتله نوماییش ائتدیریر. بیز گونئی آذربایجان‌لیلار دا جناب پرئزیدئنت ایلهام علیئوین بو قطعیتیندن گوج آلاراق اؤز حاقلی موباریزه‌میزی داها ایناملا داوام ائتدیریریک. امینیک کی، قاراباغ مسئله‌سی کیمی گونئی آذربایجان مسئله‌سی ده محض جناب پرئزیدئنت ایلهام علیئوین مودریک‌لیگی سایه‌سینده اؤز حلینی تاپاجاق. بیر داها هم اؤز آدیمدان، هم ده گونئی آذربایجانلی دوستلاریم آدیندان جناب ایلهام علیئوی دوغوم گونو موناسیبتی ایله تبریک ائدیره‌م».
