سیاسی فعال جناب ماحمود بیلگین:
“عینی قطعیت و اوزاقگؤره‌ن‌لیکله گونئی آذربایجان پروبلئمی ده حل ائدیله‌جک”
ماحمود بیلگین: جناب ایلهام علیئو بو گون تک قوزئی آذربایجانین دئییل، عینی زامان‌دا گونئی آذربایجانین، بوتؤولوک‌ده دونیا آذربایجان‌لیلارینین لیدئری کیمی اینام‌لی آددیملار آتماق‌دادیر
بایراقدار مئدیا – «بو گون جناب پرئزیدئنت ایلهام الیئوین دوغوم گونودور. من هم بیر گونئی آذربایجان‌لی، هم ده گونئی آذربایجان دئموکرات پارتییاسینین سؤزچوسو اولاراق جناب پرئزیدئنتیمیزی تبریک ائدیر، اونا جان ساغلیغی و بوندان سونرا دا یئنی-یئنی اوغورلار آرزو ائدیره‌م. جناب ایلهام الیئو بو گون تک قوزئی آذربایجانین دئییل، عینی زامان‌دا گونئی آذربایجانین، بوتؤولوک‌ده دونیا آذربایجان‌لیلارینین لیدئری کیمی اینام‌لی آددیملار آتماق‌دا، بئینلخالق عالم‌ده قطعیتله خالقیمیزین مؤوقئیینی مدافعه ائتمک‌ده‌دیر».
بونلاری گونئی آذربایجان دئموکرات پارتییاسینین سؤزچوسو ماحمود بیلگین بایراقدار اینفو سایتی ایله دانیشیقدا دئئیب.
اونون سؤزلرینه گؤره، ایکی ایل اؤنجه ۴۴ گونلوک وطن محاربه‌سین‌ده هم مظفر عالی باش کوماندان، هم ده مودریک دؤولت باشچیسی کیمی تاریخه آدینی یازان ایلهام علیئو هر بیر آذربایجانلینین غرور منبعی‌دیر: «جناب ایلهام علیئو بو گون بیز گونئی آذربایجان تورکلرینین ده بیر نؤمره‌لی مدافعه‌چی‌سی کیمی داخیل‌ده و خاریج‌ده اؤز سؤزونو دئییر، مؤوقئیینی اورتایا قویور. آذربایجان پرئزیدئنتینین گونئی آذربایجان تورکلرینین حاقلارینین مدافعه‌سینی بئین‌الخالق تدبیرلرده گون‌ده‌مه گتیرمه‌سی بیزلره علاوه گوج و اینام وئریر. بو قطعیت‌لی مؤوقئیینه گؤره من جناب پرئزیدئنته اؤز میننتدارلیغیمی بیلدیریرم. امینم کی، جناب پرئزیدئنتین بو قطعیت‌لی مؤقئیی اؤز بهره‌سینی وئره‌جک. آذربایجان رئسپوبلیکاسی گونئی آذربایجان تورکلرینین حاقلارینین مدافعه‌سی ایستیقامتینده داوام‌لی آددیملار آتاجاق».
محمود بیلگین قئید ائدیب کی، جناب ایلهام علیئو اؤز اوزاقگؤره‌ن و پراقماتیک سیاستی ایله دونیا لیدئرلری آراسیندا فرق‌لنیر: «بیز بو اوزاقگؤره‌ن‌لیگی و پراقماتیک‌لیگی ۴۴ گونلوک وطن محاربه‌سی دؤورون‌ده گؤردوک. محض جناب ایلهام علیئوین مودریک‌لیگی و آذربایجان اوردوسونون قهره‌مان‌لیغی سایه‌سینده آذربایجان هم حربی، هم ده دیپلوماتیک جبهه‌ده قالیب گلدی. بیز اینانیریق کی، عینی قطعیت و اوزاقگؤره‌ن‌لیکله گونئی آذربایجان پروبلئمی ده حل ائدیله‌جک. گونئی آذربایجان‌لیلار امیندیرلر کی، جناب ایلهام الیئوین قطعیتی بیزیم حاقلاریمیزین الده ائدیلمه‌سینده ده اؤز سؤزونو دئیه‌جک. بو گون جناب ایلهام علیئوین قطعیتی سایه‌سینده گونئی‌لی-قوزئی‌لی آذربایجانین اوره‌یی بیر دؤیونور. من بیر داها جناب ایلهام علیئوی دوغوم گونو موناسوبتیله تبریک ائدیره‌م».
