روسیا تره‌ن (قطار) دوراغینی ووردو: چوخ ساییدا اؤلو و یارالی وار
روسیا’نین اوکراینا ایشغالی ۴۴-جو گونونه گیردی. اوکراینا دئولت دمیریوللاری کراماتورسک تره‌ن (قطار) ایستاسیونونون روس روکئتی ایله وورولدوغونو آچیقلادی.
سالدیریدا ان آز ۳۰ نفرین اؤلدویو آچیقلانیرکن ۱۰۰ نفر ده یارالاندی. دئولت باشقانی زئلئنسکی ایسه تره‌ن ایستاسیونونون توچکا-او فوزه‌سی ایله وورولدوغونو آچیقلادی.
روسیا دئولت باشقانی پوتین’ین تعلیماتییلا باشلادیلان ایشغال، ۴۴-جو گونونه گیردی. کیئو باشدا اولماق اوزه‌ره، اولکه‌نین بیر چوخ نوقطاسینداکی چاتیشما و بومباردیمانلار یاشانیر.
روس قوووتلری ساهادا ایسته‌دیگی سرعتده ایر‌َه‌لی‌لیه‌بیلمه‌دیگی اوچون سیویل یئرلشیملری ده وورماغا باشلارکن، باتی دونیاسیندان موسکووا’نی هدف آلان یاپتیریملار (تحریملر) هر گئچن گون داها دا آغیرلاشیر.
اوکراینا دمیریوللاری، دونئتسک بؤلگه‌سینه باغلی کراماتورسک شهرینین تره‌ن قارینا (ایستگاه راه آهن) روس گوجلرجه دوزه‌نله‌نن (موشک) فوزه سالدیریسیندا تخلیه بکله‌ین ۳۰’دان فاضلا سیویلین اؤلدویونو، ۱۰۰’دن فاضلا سیویلین یارالاندیغینی بیلدیردی.
اوکراینا دمیریوللارینین تلگرام کانالیندان یاپیلان آچیقلامادا، “کراماتورسک تره‌ن قارینا ۲ فوزه ایصابت ائتدی. ایلک بلیرلمه‌لره گؤره، ۳۰’دان فاضلا سیویل اؤلدو، ۱۰۰’دن فاضلا سیویل یارالاندی.” ایفاده‌سینه یئر وئریلدی.
