حورمتلی یورداشلار، آزادلیق سئوه ر اینسانلار!

تئسوفلر ایله اعتراف ائتمک لازیمدیرکی، بیز گونئی آذربایجانلیلار اوز تاریخیمیز، توپراقلاریمیز، باشیمیزا گئلن قانلی سوی قیریملار و… حاققیندا یا یئترینجه بیلگیمیز یوخ و یا اوزوله‌ره ک دئمک لازیمدیرکی گئره کن اهمییتی وئرمیریز، ائله اونلارین ان باشیندا گئله نی ده گونئی آذربایجان سوی قیریمیدیر .

بو قانلی حادثه‌‌ ۱۹۱۸نجی ایلین مارت(مارس) آییندا، نووروز بایرامی‌نین سونونجو چرشنبه‌سینده باش وئریب. بؤلگه‌ده ماراقلاری اولان بریتانییا، فرانسا و روسییادان دستک آلان ائرمه‌نی داشناک‌لاری و آسورولار اورمو گؤلو اطرافیندا تورک تورپاقلاری حسابینا اؤزلرینه دؤولت” کیچیک ائرمه‌نیستان دؤولتی” قورماق ایدی.

بوچیرکین و خائنانه پیلان اوچون وحشی سیلاحلی دسته‌لر اهالینی غارت ائدیب، قادینلارین ناموسونا توخونوب، مین بیر آلچاقلیقلارا ال آتدیلار. مقاومت گؤسترنلر کوتلوی شکیلده قورشونا دوزدولر، همین دحشتلی گونده اورمو اهالیسینی شهرده یئرلشن کاروانسارایا دولدورب و دیری – دیری یاندیردیلار. جیلوولوق فاجعه‌‌سیندن سونرا قیرغینلار بوتون گونئی اذربایجانین قربینده‌کی (باتیسینداکی) کندلرینی ایحاطه‌‌ ائتدی. قتل عام آنجاق، ۱۹۱۸ نجی ایلین مارت آیی نین سونو، آپرئلین اول لرینده عثمانلی تورکلرین آذربایجان اراضی سینه داخیل اولماسی ایله سوی داشلاریمیزین کوتلوی قتل عامینا سون قویولور.

بوسوی قیریم نه قده رده بیلینجلی اولاراق اورت- باس ائدیلسه ده، بعضی آراشدیرمالاردا جیلوولوق حادثه‌‌لری زامانی ان آزی ۱۰۰ مینلر آذربایجان تورکو قتله یئتیریلیب. اورمیه‌لی تاریخچی آیرملو سون آراشدیرمالاردان سونرا بو نتیجه‌یه گلیر کی، سوی قیریما معروض قالان گونئی آذربایجانلیلارین سایی ۳۰۰ مین نفر اولوب.

آذربایجان کولتور اوجاغی کولن بو سوی قیریمی یاد ائتمک اوچون ۱۵٫۰۳٫۲۰۱۴ تاریخینده آلمانیانین کولن شهرینده بیرسئمینار کئچیره جک، آماج بنظری سوی قیریملارین یاشاماماسی اوچون نه ائتمک دیر؟ سوروسونا چئشیدلی گوروشلردن جواب تاپماقدیر .

یاشاسین آذربایجان

آذربایجان کولتور اوجاغی کولن

۱۴٫۰۱٫۲۰۱۴

یئر: Bürgerzentrum Ehrenfeld Venloer Straße 429 50825 Köln

زامان: ۱۸٫۰۰-۲۲٫۰۰