آزربایجانلی هئیئت قوزئی قیبریس تورک جومهوریتی‌نده: قارداش قارداشین یانیندا اولمالیدیر
آزربایجان میللی مجلیسی دیش‌ایشلری و مجلیس‌آراسی ایلیشکیلر کومیته‌سی هئیئتی، ایلک دفعه رسمی اولاراق قوزئی قیبریس تورک جومهوریئتی’نی زیارت ائتدی.
قوزئی قیبریس تورک جمهوریتی جومهورباشقانی ارسین تاتار، قوزئی آزربایجان میللی مجلیسی دیش ایشلری و مجلیسلرآراسی ایلیشکیلر کومیته‌سی هئیئتینی قبول ائدرک گؤروشدو.
جومهورباشقانی تاتار، تورکییه جومهوریتی‌نین آزربایجان ایله اولان یاخینلیغینی بویوک بیر ممنونیتله گؤردویونو ایفاده ائده‌رک، «بیر میللت اوچ دئولتیک. هامیمیز تورک سویوندان گلیریک» دئدی.
ارسین تاتار دانیشماسیندا، آزربایجانلی میللت‌وکیللرینی قبول ائتمکدن دویدوغو ممنونیتی دیله گتیره‌رک، «بیز ده بو گونلری همیشه اؤزله‌دیک. بیز بو اولکه‌ده جوجوقلوغوموزدان بری‌دیر بویوک بیر موجادیله ایچه‌ریسینده‌ییک» دئدی.
سئییدوو: قارداش قارداشین یانیندا اولمالی
آزربایجان هئیئت باشقانی و میللت‌وکیلی صمد سئییدوو یاپدیغی دانیشیقدا، قیبریس تورک خالقینین ایکیلی ایستانداردلاردان قورتولماسی گرکدیگینه ایشارت ائدرک، «قارداش فارداشین یانیندا اولمالی، تورک تورکون یانیندا اولمالی و دونیا دا بونو گؤرمه‌لی» دئدی.
۲۰ جولای باریش حرکتینین ۴۷. ایل دؤنومونده تورکییه جومهوریتی جومهورباشقانی رجب طیب اردوغان‌ین قوزئی قیبریس تورک جومهوریتینی زیارتینده آزربایجانلی میللت‌وکیللرینین ده قیبریس تورک جمهوریتینده اولاجاقلارینی سؤیله‌ین سئییدوو، جومهورباشقانی تاتارآ هئیئتی قبول ائتدیگی اوچون تشککورلرینی سوندو و بوندان سونرا ایلیشکیلرین آرتاراق دوام ائتمه‌سینی تمنی ائتدی.
