تورک دونیاسی بیرلشمیش دؤولتلری اولوشدورولاجاق
تورک اؤلکه‌لری امکداش‌لیق شوراسینین (تورک کنه‌شی) باش یازمانی باغداد امره‌یئو، شورانین، تورک دونیاسی بیرلشمیش دؤولتلرینی اولوشدورماغی هدفله‌دیگینی بیلدیردی.
۳۱ مارسدا آنلاین گئچیریله‌جک تورک شوراسی غیر رسمی ذیروه‌سین‌دن اؤنجه دگرلندیرمه‌لر وئردی.
امره‌یئو، ذیروه‌نین یئنی نسیل کوروناویروس (کووید-۱۹) سالقینی ندنی ایله آنلاین گئچیریله‌جگینی بیلدیررک، پاییزدا ایستانبول‌دا پلانلاشدیریلان رسمی ذیروه‌یه حاضرلیق ماهیتینده‌کی آنلاین ذیروه‌یه، تورکیه، آذربایجان، قازاقیستان، قیرقیزیستان و اؤزبکیستان لیدئرلرینین یانی سیرا گؤزلمچی اؤلکه اولان ماجاریستان‌ین باشباخانی ویکتور اوربان و تورکمنیستانلی مقاملارین قاتیلاجاغینی سؤیله‌دی.
شورانین، تورک دونیاسی بیرلشمیش دؤولتلری اولوشدورولماسینی آماجلادیغینی ایفاده ائد‌ن امره‌یئو،
“(آذربایجانین) قاراباغ ظفرین‌دن سونرا لیدئرلر ایلک دفعه بو ذیروه‌ده بیر آرایا گله‌جکلر. بو سبب ایله خالقین گؤزون‌ده بو ذیروه‌نین اؤنمی آرتیر. تورک دونیاسی بیرلیگینی گوجلندیرمک چابالاریمیزدا، ذیروه چوخ اؤنملی بیر نقطه اولاجاق” دئدی.
امره‌یئو، قازاقیستانین تورکوستان شهرینین تورک دونیاسینین معنوی مرکزی اعلان ائدیلمه‌سینین ذیروه‌نین گونده‌مین‌ده اولدوغونو بیلدیردی.
“بو شهرین (تورکوستانین) بوتون ایسلام دونیاسی اوچون اؤنمینی بیلیریک.” دئین امره‌یئو، تورک دونیاسین‌داکی ایستانبول، سمرقند، بوخارا، شوشا، باکی و آلماتی کیمی دیگر شهرلرین ده گله‌جک‌ده اؤزل ایستاتوس آلابیله‌جگینه اشاره ائتدی.
غیر رسمی ذیروه‌ده “تورک شوراسی استراتژیسی ۲۰۲۰-۲۰۲۵ و تورک دونیاسی ویزیونو – ۲۰۴۰” مذاکیره ائدیله‌جک./ ت.ر.ت
