یونسکونون ۲۰۲۱ ایلینی “یونوس امره ایلی” اعلان ائتدیگینی بیلیرسینیز می؟
یونسکو، آنیم و قوتلاما ایلدؤنوملرینده یونوس امره‌نین وفاتینین ۷۰۰.جو ایل‌دؤنومونه ده یئر وئردی و ۲۰۲۱.جی ایلی اولوسلارآراسی «یونوس امره ایلی» اعلان ائتدی
یونسکو توپلوملار آراسین‌دا باریشی، خوش‌گؤرونو و یاخینلاشمانی گلیشدیرمک اوچون عضو دؤولتلرین اؤنملی شخصیتلرینی و یا عضو دؤولتلرین تاریخی حادثه‌لرینی یاد ائتمک و ایل‌دؤنوملرینی اؤز پروقرامینا داخیل ائدیر.
یونسکو بو اؤزللیکلری سببی ایله ۲۰۲۱.جی ایلدکی آنیم و قوتلاما ایلدؤنوملرینده یونوس امره‌نین وفاتینین ۷۰۰.جو ایل‌دؤنومونه ده یئر وئردی و بو ایلی اولوسلارآراسی «یونوس امره ایلی» اعلان ائتدی. یونوس امره‌نین آنادان اولماسینین ۷۵۰ ایللیگی ده ۱۹۹۱.جی ایلده یونسکونون آنیم و قوتلاما پروقراملارینا داخیل ائدیلمیشدی. یونوس امره شعرلریله اینسان و طبیعته سئوگی، خوش‌گؤرو، قارداش‌لیق و باریش قاوراملارینی ان آری تورکجه ایله آنلاداراق دیل، دین، عرق آیریمچیلیغی ائتمه‌دن بوتون اینسانلیغا سسلنمیش‌دیر.
«یئتمیش ایکی میللته بیر گؤزله باخما» ایلکه‌سی و کوره‌سل بشری دگرلر اوزرین‌ده قوردوغو فلسفه‌سیله دونیا هومانیزمینه قاتقی وئره‌رک، اینسانلاری اورتاق دگرلر اطرافین‌دا بیر آرایا گتیریب هر دؤورون شاعری اولموشدور. بیر چوخ شعری بسته‌لنمیش یونوس امره‌نین شعرلری خاریجی صنعتی‌لرین ده هر زامان دقتینی چکمیش‌دیر. اونون ‘”حاق‌دان گلن شربتی” شعرینی ۲۰۱۳.جو ایلده “گرمی” اؤدوللو لوریتی کریستوفر تین طرفین‌دن بسته‌لمیش و اثر جمهورباشقان‌لیغی سمفونیک اورکستری و آمریکالی “جاناتان گریفیت” کورو ایله بیرلیکده تورکجه اوخونموش‌دور. ت.ر.ت تورکجه
