آمئریکانین سسی ایله مصاحبه‌ده:
بابک چلبیانلی: یاخین گله‌جکده گوجلو بیرلیکلرین تشکیل اولوناجاغینا اومیدلیه‌م
آزربایجان میللی دیرنیش تشکیلاتی‌نین سؤزچوسو بابک چلبیانلی گونئی آزربایجان‌دا میللی حرکته منسوب بوتون قوه‌لر بیرلیگین ضرورتیندن دانیشسالار دا، بو گوندک کیفایت قدر نائیلیت الده ائدیلمه‌دیگینی سؤیله‌ییر. او، عینی زاماندا یاخین گله‌جکده گوجلو بیرلیکلرین تشکیل اولوناجاغینا اومیدلی اولدوغونو ایفاده ائدیر.
«هر کس بیرلیک مسئله‌سینین ضرورتیندن، واجیبلیگیندن دانیشیر. اما، عملده باخدیغیمیزدا حاضردا بو مسئله ایله باغلی ائله ده گرکلی بیر نائیلیت الده ائتمیش دئییلیک. اصلینده بو دا بیر گئرچکدیر کی، آزربایجان میللی حرکاتینین فعاللاری سیاسی تشکیلاتلارا او قدر یاخینلاشمیرلار،» سیاسی فعال سؤیله‌ییر.
آمئریکادا یاشایان سیاسی فعال اساس طلبلر اعتباری ایله گونئی تشکیلاتلاری آراسیندا جدی فرقلر گؤرمه‌دیگینی اؤنه چکیر: «آزربایجان میللی حرکاتی چرچیوهسینده باخدیغیمیزدا، بونلارین مرامنامه‌سینه، نیظامنامه‌سینه دقت ائتدیگیمیزده او قدر ده فرق گؤرمک اولمور. هامیسی آزربایجان محورلی اولوب، آزربایجانا سعادت و یاخشی گله‌جک آرزو ائد‌ن تشکیلاتلاردیر.»
سیاسی فعال علاوه ائدیر، «منجه آزربایجان میللی حرکاتی چرچیوهسینده اولانلاری ایستیقلال‌چی و ایران‌چی اولاراق بؤلمک چوخ یانلیشدیر. حاقسیزلیقدیر. بین‌الخالق حقوق، هابئله رئگیونال و گلوبال گوجلری و تنلیکلری گؤز اؤنونه آلاراق، بیز دئییریک میللی موقددراتینی تعیین ائتمه حاقی… ایران رئژیمی بیر گون گئده‌جک. او زامان آزربایجان میللی دیرنیش تشکیلاتی‌نین سئچیمی ایستیقلال اولاجاق. گوجوموز چاتسا ایستیقلالیمیزی آلاجاغیق. گوجوموز چاتماسا، البته مینیموم شرطیمیز فدرال اولار. فدرالدان آشاغی بیز راضی اولماریق.»
منبع: آمئریکانین سسی
