گونئی آزربایجان دئموکرات پارتیسی‌نین «میللی موجادیله بایراغی» حاقدا تبریک مئساژی
گونئی آزربایجان دئموکرات پارتیسی‌نین آزربایجان میللی دیرنیش تشکیلاتی و آزربایجان مرکز پارتیسینه میللی موجادیله بایراغی حاقدا مئساژی
آزربایجان دیرنیش تشکیلاتی و آزربایجان مرکز پارتیسی باشقانلاری
سایین بابک بی چلبییانی و سایین صالح بی کامرانی!
سون گونلرده، مرکز پارتیسی و دیرنیش تشکیلاتی بیرگه اورتاق بیل‌دیریده، «گونئی آزربایجانین موباریزه بایراغینین» قبول ائدیلمه‌سی آچیقلامانیز، میللی حرکاتیمیزین چوخلوغوندا سئوینجلی اورتام یاراتمیشدیر.
۲۰۰۳ ده بابک قالاسیندا قالدیریلان بایراغی، گونئی آزربایجانی تانیتدیران بایراق کیمی قبول ائتمه‌نیز، تشکیلاتلارینیزین جسارت‌لی، و گونئی آزربایجانین دؤولتچیلیک یولونا درین اینام و عزمینیزین گؤستریجیسی اولموشدور. اؤزللیکله ایران فارس رئژیمینین بو گونکو کریتیک و آچماز دوروموندا اولدوغو حالدا هابئله اورتادوغودا هیزلا دییشیله‌ن گوج دنگه‌لری، دؤولتچیلیگیمیز یولوندا، گونئی آزربایجان‌یمیزا اؤنملی ایمکانلار یاراتمیشدیر. میللی حرکاتیمیزدا واحید بایراق، بیرلیگه گئدن یولو داها گوجله‌ندیره‌رک، سیاسی آچیدان آرتیق ائتگیلی اولمامیزا ایمکان یاراتمیشدیر.
گونئی آزربایجان دموکرات پارتیسی (گادپ) اولاراق باشاریلی آددیمینیزی ایچده‌ن دستک‌لییه‌رک، سیزلر باشدا اولماقلا، مرکزی ایداره هئیتینیزی و بوتون اویه‌لرینیزی تبریک ائد‌رک بو آددیمینیز آزربایجان تورک میللتینی داها هیزلی آزادلیغی، و اؤزگورلویونه اورتام یارانماسینا اینانیرام.
گله‌جک بیزیمدیر
گونئی آزربایجان دئموکرات پارتی سؤزچوسو
محمود بیلگین
۲۰۲۰-۰۷-۲۱
