حبس‌ده ساخ‌لانان آذربایجان‌لی فعالا آغیر ایشکنجه وئریلیب
آذربایجان میللی کیم‌لیگی اوغرون‌دا آپاردیغی دینج موباریزه‌یه گؤره ۲۱گون اول تبریزده توتولان فعال رسول رضوی یه آغیر ایشگه‌نجه‌لر وئریلدیی حاق‌دا خبر یاییلیب. «مئدیا فوروم» سایتینین معلوماتینا گؤره، ایران کشفیات ناظیرلیینین (اطلاعات) تبریز شعبه‌سینین تجریدخاناسین‌دا فعال‌دان یالان‌چی اعترافلار آلماق اوچون موختلیف فیزیکی ایشگه‌نجه‌لر تطبیق اولونوب. فعال جدی بده‌ن خسارتلری آلیب.
اطلاعات امکداشلاری رسول رزوینی دئکابرین ۴-ده آتاسینین ائوین‌ده توتوب. دئکابرین ۵-ده ایسه ائوده یوخلاما آپاریلیب، فعالا مخصوص آزربایجاندیل‌لی کیتابلار و بیر سیرا دیگر شخصی اشیالار گؤتورولوب.
آذربایجان‌لی فعالین کونکرئت نده گوناهلاندیریلدیغی بیلینمه‌سه ده، اونون حبسه سالینماسی اورمییا گؤلونون قوروماسینا اعتراض توپلانتیلارینا قاتیلیب چیخیشلار ائتمه‌سی و اؤت‌ن ایل تبریزین «تیراختور» و بیرلشمیش عرب امیرلیکلرینین «ال-جزیره» فوتبول کومان‌دالاری آراسین‌دا کئچیریله‌ن گؤروش‌ده «گونئی آذربایجان ایران دئییل» شوعاری یازیلمیش باننئر قال‌دیرماسی ایله علاقلندیریلیر.