پیشه وری مراسیملرین‌ده ایشتیراک ائد‌ن آذربایجان‌لی فعال توتولوب
آذربایجان میللی کیم‌لیگی اوغرون‌دا دینج موباریز حسین علیزادنین توتولدوغو باره‌ده خبر یاییلیب. «مئدیا فوروم» سایتینین معلوماتینا گؤره، ایران کشفیات ناظیرلیینین (اطلاعات) تبریز شعبه‌سینین امکداشلاری بو شهرین ساکینی اولان فعالی دئکابرین ۲۴-ده ایش یئرین‌ده توتوب بیلینمز ایستیقامته آپاریبلار. فعالین ائوین‌ده یوخلاما آپاریلیب، اونا مخصوص آزربایجاندیل‌لی کیتابلار و دیگر شخصی اشیالار گؤتورولوب. مأمورلارین کوبود رفتارینا و زوراکی‌لیغینا اعتراض بیل‌دیره‌ن فعالین عائله عضولری تهدید ائدیلیب.
حسین علیزادنین کونکرئت نده گوناهلاندیریلدیغی بیلینمه‌سه ده، اونون حبسی ۱۹۴۵-جی ایلده سید جعفر پیشه ورینین رهبرلیگی ایله تبریزده قورولان آذربایجان میللی حکومتینین ۶۸-جی ایلدؤنومو مراسیملرین‌ده فعال ایشتیراکی ایله الاقلندیریلیر.آذربایجان‌لی فعالین حاضردا هارادا ساخلاندیغی بیلینمیر.