مصاحبه:
بابک چلبیانلی: عباس لیسانی میللتین دیرنیش سمبولودور+ویدئو
عباس لیسانی ۲۰۱۹-جو ایلین یانوار آییندان حبس‌ده ساخلانیلیر. او، سون ۱۵ ایلده آزربایجان‌لیلارین دیل و مدنی حقوقلاری اوغروندا گؤستردیی فعالیتلرله علاقه‌دار دفعه‌لرله حبس ائدیلیب.
آزربایجان میللی دیرنیش تشکیلانی‌نین سؤزچوسو بابک چلبیانلی آمئریکانین سسی‌نه آزربایجانلی سیاسی محبوس عباس لسانی‌نین ۱۵ ایللیک حبس جزاسینین تائید اولونماسی حاقدا اونا قارشی اتهاملار حاقدا دانیشیب. ایران محکمه‌سی تانینمیش میلی فعال عباس لیسانینین شیکایتینی تامین ائتمه‌یه‌رک، اونون ۱۵ ایللیک حبس جزاسی حاقدا حؤکمو قووه‌ده ساخلاییب.
عباس لیسانی ۲۰۱۹-جو ایلین یانوار آییندان حبس‌ده ساخلانیلیر. او، سون ۱۵ ایلده آزربایجان‌لیلارین دیل و مدنی حقوقلاری اوغروندا گؤستردیی فعالیتلرله علاقه‌دار دفعه‌لرله حبس ائدیلیب.
۲۰۱۹-جو ایلده ایول آییندا اردبیل محکمه‌سی طرفین‌دن سککیز ایل حبسه و ایکی ایل سورگونه محکوم ائدیلمیش تانینمیش میللی فعال عباس لیسانینین حبس جزاسی سونرادان برائت قازاندیغی مادده‌لر اوزره اتهاملار علاوه ائدیله‌رک ۱۵ ایل مدتینه اوزادیلیب.
بابک چلبیانلی عباس لیسانییه قارشی ایر‌ه‌لی سورولموش اتهاملاری «ساختا» و «اساس‌سیز» آدلاندیراراق، میللی فعالین فعالیتینی «ایران آنایاسا چرچیوه‌سینده آزربایجان‌لیلارین حقوقلارینی طلب ائتمه‌یه حصر ائتدیینی» دئییب.
«اتهاملار ایرانین میللی تهلوکه‌سیزلیگینی پوزماق، خاریجی مئدیالارلا دانیشماق، غئیری-قانونی گاماج آدیندا گونئی آزربایجان میللی آزادلیق جبهه‌سی قورماقلا ایرانین میللی تهلوکسیزلیگینی پوزماقدا اتهام ائدیرلر. بیز بیلیریک کی، بو جور اتهاملار اساسسیزدیر. عباس بی عؤمرونو آزربایجان میللتینین حقوقونو، حتی ایران آنا یاساسی چرچیوه‌سینده طلب ائتمه‌یه حصر ائدیب.»
بابک چلبیانلی آنایاسادا رسمی دیل اولان فارس دیلی ایله یاناشی آنا دیلینده تحصیل آلا بیلمک حقوقونون تانینماسینا باخمایاراق، ایران رئژیمینین اؤلکه‌ده‌کی ائتنیک آزلیقلارا بو حقوقو تامین ائتمه‌دیگینی وورغولاییب.
منبع: آمئریکانین سسی
