پئشه کار صنعتچی و ملی آکتیویست آشیق قافار ابراهیمی نین آرامیزدان کؤچدوغو گونون بیرینجی ایل دؤنومو تبریزین وادی رحمت مزارلیغیندا آشیقلیق دبلرینه اویغون بیر شکیلده کئچیریلدی.

جمعه گونو دی آیی نین ۱۳ رحمتلیک آشیق قافارین عایله سی و اونون اؤزو و صنعتینی سئون بیر چوخ انسانین حضورو ایله تبریزین وادی رحمت مزارلیغیندا ایل دؤنومو مراسمی گرچکلشدی.

بو مراسیمده شاعر «حق سئور» دانیشیق آپاردی. او چنگیز بخت آور و مهندس امانی-دن ده یاد ائدرک «آدام بونلاری یاد ائدنده گؤرور کی نه بؤیوک انسانلار نه دگرلی معلم لر توپراقلارا تاپشیرمیشیق آما چیگنیمیزده آغیر یوک داشییاجاییق، بونلارین یولون قاباغا آپارماغا» دئدی.

هابئله آشیق قافارین قیزی سئودا ابراهیمی ایسه آشیق قافارین شعرلریندن اوخویاراق مراسیمه گلنلره اؤز منت دارلیغین بیلدیریب تشکر ائتدی.

مراسیمین سونوندا مزارلیقدا اولانلارین هامیسی بیر آغیزدان «آیریلیق» ماهنیسینی اوخویاراق اؤز سئوگیلرینی ملی فعال آشیق قافارا بیلدیریب مزاریندان آیریلدیرلار.