تانری داغی تورکلراوچون قوتسال بیر مکاندیر. تورکلر بو دونیادان آیریلدیقدان سونرا او داغدان تنقری-یه قاووشار.

عزیز پورولی و هرکسین بیدلیگی بؤیوک به ی دونن آرامیزدان آیریلدی و تانری داغینا اوچدو. او حیاتی بویونجا آزربایجان ایله یاشادی. وطنینین آزادلیغی اوچون بعضن دانیشدی بعضن زیندانا دوشدو بعضن ده ایکشنجه گؤوردو. تبریز زیندانین بوتون سلوللاری اونون سسی ایله تانیش ایدی.

بؤیوک به ی آزربایجان میللی حرکتی نین گئرچک اوزو ایدی. توپلومسال حرکتیمیزی اولوشدوران اینسانی پروفایلی نین لاپ اؤزو ایدی. بیلیندیگی کیمی بیزیم حرکتیمیز توپلومون درینلریندن و آلت طبقه سینده ن گلن بیر حرکتدیر. چونکو توپلومون بو طبقه سی بیزیم دردرلریمیزی ان یاخیندان حیس ائدن طبقه اولموشدور.

بؤیوک به ی ییرمی ایلدن چوخدور آزربایجان مسئله سی ایله باغلی بوتون مراسیم و اولایلاردا اولوبدور. و بیر چوخ بو مراسیملرده توتوقلانیبدیر. بیر اولای اولوب توتوقلامالار اولدوغو زامان بیر دوستوم وار ایدی، دییه ردی کسین عزیز به یی ده توتوبلار. ایران امنیت قووه لری اونون الیندن یورولسالار دا عزیز به ی آزربایجان اوچون مجادله ائتمکدن بیر آن بئله یورولمادی.

عزیز به ی آزربایجان اوچون چالیشان هر کسی قوجاقلادی. اونون قاپیسی هر بیر میللی فعال اوچون آچیق ایدی. اونداندیر کی بوگون جنا زه سینه آزربایجان میللی حرکتیندن هر باخیشدان وار ایدی. سعید متین پور، یوروش مئهر علی بیگلی، عظیمی قدیم، عسگر اکبرزاده، حسن ارک، حبیب ساسانیان و اونلارجا آدلیم باشقا میللى فعال.