بو گون دونیا انسان حاق‌لاری گونودور
بیرلشمیش میللت‌لر تشکیلاتی‌نین باش قورولو، ۱۰ دسامبر ۱۹٤۸ده انسان حاق‌لاری ائورنسل بیاننامه‌سینه اعلان ائتدی.
اعلانین اوزرین‌دن ٦٥ ایل گئچدی. آنجاق هله، عرق، دیل، دین، جینسیت فرقی قویولما‌دان انسان حاق‌لاری‌نین ائورنسل اولدوغونون اؤزوم‌سنمه‌سینده پروبلئم‌لر یاشانیر. بیرلشمیش میللت‌لر تشکیلاتی انسان حاق‌لاری حاقیندا ائورنسل بیاننامه‌سینه گؤره، هر بیرئی/فرد دیل، دین، عرق و جینسیتینه باخیلمادان، اؤزگور و ائشید دوغولار. هر کسین اؤزگور و گوونلی بیر شکیلده یاشاماغا حاقی واردیر. سؤز، اینانج اؤزگورلویو و عدالت‌لی یارقیلانما حاقینا یئر وئرن انسان حاق‌لاری ائورنسل بیاننامه‌سینده، هر کسین حیات بیچیمینی سئچمه، ایش تاپما و ائییتیم حاقی اولدوغو وورغولانیر.
اینسان حاق‌لاری بیاننامهسینی گؤره، تمل حاق و اؤزگورلوکلر ایله شرف‌لی یاشام حاقی؛ اقتصادی، مدنی و یا سیاسی سیستمه باخمادان هر کس اوچون اویقولانما‌لی، دؤولت‌لر ده انسان حاق‌لاری‌نین پوزولماماسینی تامین ائتمکله یوکوملو . انسان حقوق‌لاری ائورنسل بیاننامه‌سی، تاریخده ایندییه قدر ان چوخ چئوریلن متن‌لردن بیری اولدو. تام ۳۷٥ دیل و لهجه‌یه چئوریلدی، چئوریلمه‌یه ده داوام ائدیر.
بیرلشمیش میللت‌لر تشکیلاتی، بیاننامه‌یه اویولماسینی ساغلاماق اوچون، ۲۰ ایل اؤنجه انسان حاق‌لاری یوکسک کمیسرلیگینی قوردو، انسان حاق‌لارینی داها دا ایره‌لی آپاران وین بیاننامهسینی اعلان ائتدی.
آنجاق انسان حاق‌لاری یوکسک کمیسری ناوی پیلایا گؤره، بوتون چابالارا باخمایا‌راق، اولوسلارآراسی توپلوم انسان حاق‌لاری پوزولمالارینا قارشی یئتری قدر حساس دئییل. پیلای، بیر چوخ اؤلکه‌ده انسان حاق‌لاری‌نین هله پوزولدوغونو سؤیله‌دی. الکترونیک ایزلمه سیستم‌لری ایله بیلگی توپلامانین فردی حاق‌لاری تهدید ائتدیگینی وورغولایان پیلای، بونون اؤزگور توپلوم اؤنونده مانع تشکیل ائتدیگینی ایفاده ائتدی.
قایناق: تی آر تی تورکی