سون زامانلار دا سوسیال مئدیادا بابک قاجارین آدی چوخ گؤرونمکده دیر. اونون آدی ایله ایشه باشلایان بیر تویتئر حسابی ایله گوندمه گلن بابک قاجارین ان سون نئچه ایل بوندان اؤنجه تورکیه و آزربایجان سفرلرینده وئردیگی روپورتاژلارلا خاطیرلاییریق.

بو حسابین گرچک اولمادیغی و بابک قاجارین طرفدارلاری طرفیندن یارادیلدیغی دئییلسه ده استکیلری گون کئچدیکجه آرتماقدادیر. خصوصی ایله اؤزونو ایرانین سون قانونی شاهزاده سی اولاراق گؤرن ریضا پهلوی نین طرفدارلارینین کامنتلرینده بو اولایدا نه قدر راحاتسیز اولدوقلاری آچیقدیر.

قاجارلار حاققیندا سون سوز ایلدیر ایران سیاسی تاریخینده گرچکجی بیر یاخلاشیم یوخدور. ائله بیر آلغی یارادیبلار سانکی قاجارلارین هئچ بیر اولوملو(مثبت) طرفی یوخموش و بو جغرافیانین ان پیس حاکمیتی ایمیش. بابک قاجار تویتر حئسابی قاجارلار تاریخینی تحلیلی شکیلده اله الیب رسمی تاریخی چالیشه چکیر.

بابک قاجار اولاینا آزربایجان میللی حرکتینده ایسه فرقلی یاخلاشیملار واردیر. بعضی لری اونا تام قارشی چیخارکن بعضی لری ده تام دستک وئریرلر. آما عمومی باخیش ایسه هله فیکیر بیلدیرمه مکدیر.

بو مسئله عئینی زاماندا قورتولوشو بیر شخصده گؤرنلری ده چالیشه چکمکده دیر. سون زامانلاردا بللی گوج مرکزلرینین دسته گی ایله بیر رقیب کیمی اورتایا چیخان ریضا پهلوی نین دوروشو دا سورغولانماقدیر.

آذریها محفلی نین تویتئرده کی حئسابلاریندان بیریسی اولان ششگلانی آدی ایله ده بابک قاجار مسئله سینه یئنه اینکار سیاستی ایله تپکی گؤسترمیشدیر. او یئنه اذریها محفلی نین یازاری اولان محمد علی بهمنی قاجار دیلی ایله بابک قاجارین قاجار ائلی ایله بیر ایلگیسی اولمادیغینی دیله گتیرمیشدیر.

آزربایجان-ین مشروطیت ده یاریدا بوراخدیغی و ساده جه طومار شکلینده قالدیغی بیر قورتولوش مسئله سی واردیر. آزربایجان میللی حرکتی نین توتومو حسن شریعتمداری و بابک قاجارلار ایله دئییشمه یه چکدیر. اونلار دا سیاسی فضادا فعالیت استمک ایسترلرسه بو توتومو دیققته المالاری گره‌کیر.

محسن سعادت ستون نویس آرازنیوز