«گونئی‌ده‌کی اولایلارا بیگانه قالماغا حاقیمیز یوخ‌دور»
«قافقازینفو» خبر وئریر کی، آرتیق ۲۴ گون‌دور کی، گونئی آذربایجانین تانینمیش سیاسی فعاللاری، یئنی گاموه تشکیلاتینین رهبر عضولری حاق‌سیز یئره ۹ ایل حبس اولونمالارینا اعتراض علامتی اولاراق آجلیق اعلان ائدیبلر. سون گونلر اونلارین وضعیتین‌ده یارانمیش پروبلئملر آذربایجان جمعیتینی‌ده جدی نیگاران‌چی‌لیق دوغوروب. بونونلا باغلی بیر سیرا ییغین‌جاقلار کئچیریلمیش و سیاسی پارتییالار بیاناتلار سسلندیرمیشلر. سویداشلاریمیزین سون دورومو ایله باغلی اومید پارتییاسینین خاریج‌ده یاشایان هموطنلرله ایش اوزره صدر موعاوینی روفت مورادلینین فیکیرلرینی اؤیرندیک.
روفت بی، بو گونلر گونئی آذربایجان‌دا حبس اولونان سویداشلاریمیزین دورومو دونیا مئدیالارین‌دا دا عکس سدا دوغوروب. اونلارین حبسی نه ایله باغلی اولوب؟
مای آیین‌دا هر بیری ۹ ایل آزادلیق‌دان محروم اولونموش لطیف حسنی، محمود فضلی، یوروش مئهرلیبی‌لی، شهرام رادمئهر و بئهبود قولوزاده آرتیق ۲۴ گون‌دور کی، آجلیق آکسییاسینا باشلاییبلار. بیز طبیعی کی، بو اولایا بیگانه قالا بیلمزدیک. ایلک اؤنجه قئید ائدیم کی، حاقلارین‌دا چیخاریلان حؤکم بئینلخالق نورمالارلا دابان-دابانا ضیددیر. بئله کی، اونلارین هر بیری باره‌سین‌ده چیخاریلان ۹ ایل حبس هؤک‌مو محض تشکیلاتلارینین لئقال فعالیته کئچدیینی اعلان ائتمه‌لریله باغلی اولوب. هالبوکی آزاد سیاسی فعالیت حقوقونو هئچ وجهله مهدودلاش‌دیرماق اولماز. بیر حال‌دا کی، بو فعالیت صرف سیویل فورمادا حیاتا کئچیریلیب. محض بو عدالت‌سیز قرارا دا اعتراض اولاراق سویداشلاریمیز آجلیق آکسییاسینا ال آتیبلار.
اومید پارتییاسی اولاراق سیزین رئاک‌سییانیز نئجه اولدو؟
اؤنجه بونو قئید ائدیم کی، هله ایران‌دا پرئزیدئنت سئچکیلرین‌دن نئچه آی اول بیز گونئی‌ده باش‌لانان حبسلر دالغاسین‌دان نیگارانچیلیغیمیزی بیلدیرمیش و بو باره‌ده بئینلخالق قوروملارا ، باکی‌داکی سفیرلیکلره مراجعتلر ائتمیشدیک. طبیعی کی، بئینلخالق حقوق نورمالارینا محل قویمایان تئهران رئژی‌می پرئزیدئنت سئچکیلرین‌دن سونرا دا سویداشلاریمیزا قارشی دیسکریمیناسییانی داوام ائتدیرمیش، حتی ائل آغساققالی ،یالنیز مده‌نی فعالیتله مشغول اولان حسن دمیرچینی بئله حبس ائتمک‌دن چکینممیش‌دیر. شوبهه‌سیز بیز بو دوروما سئیرچی قالا بیلمریک. هله ایولون ۲۲-ده سیاسی فعاللارین آجلیق آکسییاسینین ۱۰-جو گونون‌ده اومید پارتییاسی بیانات وئره‌رک بو دوروم‌دان نیگاران‌چی‌لیغینی ایفاده ائتدی و بونونلا باغلی خاریجی اؤلکه سفیرلیکلرینی ده ملوماتلاندیردی. بو گون ایسه اومید پارتییاسینین صدری ، میللت وکی‌لی ایقبال آغازاده آجلیق اعلان ائد‌ن یئنی گاموه‌چولارا، هابئله بو آجلیق آکسییاسینا زین‌دان‌دان دستک وئره‌ن عزیز بی پوروه‌لییه آکسییانین دایاندیریلماسی اوچون ویدئو- مراجعت ائتدی. اونلار اؤز قئیرتلریله وطنه، میللته نه قدر باغلی اولدوقلارینی ثبوت ائتدیلر، اما گونئییمیزین گلجیی اوچون ، عینی زامان‌دا بو اؤت‌ن گونلرده حقیقی متانت گؤستره‌ن عائله‌لری اوچون یاشامالیدیرلار. بو سؤزلر عینی زامان‌دا ایران مهبه‌سین‌ده قئیرت نوماییش ائتدیره‌ن سید متینپورا، حاجی آغا ازی‌مییه، مئه‌دی کوخیانا،ایلقار مؤذن‌زاده‌یه، همی‌دی شفیقه، عباس لیسانییه و میللی موجادیله وئره‌ن باشقا قارداشلاریمیزا دا عاییددیر. اگر اونلار میللی حاقلارینی مدافعه ائتدیکلری اوچون رئپرئس‌سییالارا معروض قالیرلارسا، بیزیم ده بورجوموز ان آزین‌دان اونلارا معنوی- سیاسی دستک اولماق‌دیر. رسمی باکینین مؤوقئیی هامیمیزا بل‌لی‌دیر. اصلین‌ده آرازین شیمالین‌داکیلار اوچون نه گون آغلاییب کی، گونئیین ده دردینی چکه. اونا گؤره سویداشلاریمیزین دورومو ایله باغلی اساس مسولیت میللی آزادلیق موباریزه‌سی مکتبی کئچه‌ن موخالیفت دوشرگه‌سینین اؤهده‌سینه دوشور و محض بیزیم بیگانه قالماغا حاقیمیز یوخ‌دور.
کؤچوردو: ساوالان پورت
در همین زمینه
