آراز نیوزون ایضاحی: سایین یونس شاملی آراز نیوزون «یارگیری پ.ک.ک از آزربایجان برای به‌اصطلاح ارتش دمکراتیک ایران با محوریت کردها» باشلیقلی سیاسی آنالیزینه بیر تنقید یازمیشدیر. هر شئیدن اؤنجه آراز نیوز مجموعه سی اولاراق سایین یونس شاملیدن تنقیدلریندن دولایی تشکور ائدیریک چونکو هر سیاسی حرکتده اؤز ائلئشتیری (خود انتقادی) اساسی شرط و اولمازسا اولمازدیر. بو باخیش آچیسی ایله سایین یونس بیین یازیسینی قیسا بیر ایضاحلا یاییریق. یالنیز بو خوصوصو دا بیلدیرمک ایستریک کی مساله نین اؤنمینی دیقته آلاراق بو قونودا باشقا یازیلاریمیز دا یایینلاناجاقدیر.

یونس بی ندن آراز نیوزون آمریکانی امپریالیست آدلاندیردیغینی سورغولامیش و اونونون میلی حرکتین منافعی یوخ بلکه آ.ک.پ.نین منافعی دوغرولتوسوندا اولدوغونو بیان ائتمیشدیر. آمریکانین گرچکده امپریالیست اولوب اولمادیغی و یا اساساً امپریال گوجون نه دئمک اولدوغو بیر کنارا قویولورسا؛ آراز نیوزون آنالیزینده آمریکا سول جریانلارین باخیش آچیسی و اونلارین دیلیندن امپریالیست آدلاندیریلمیشدیر و اوخویوجونون بو شکیلده آلقیلایاجاغی فرض توتولاراق امپریالیست آدینین هانسی باخیش آچیسیندان قصد ائدیلدیگینه اشاره اولونمامیشدیر.

آراز نیوز و آزربایجان میلی دیرنیش تشکیلاتی بوتون یازی و گؤروشلرینده قیرمیز خطلری نین آزربایجان تورک میلتی نین میلی منفعتلری اولدوغونو هر فرصت ده بیان ائتمیشدیر. طبیعی اولاراق بئله بیر سیاسی آنلاییش دا بیر میلتین مطلق دوست و یا دوشمنی اولماز. یالنیز سایین یونس بیین بو مساله نی آ.ک.پ یه باغلاماسی شاشیردیجی و ان یاخشی احتمال ایله حقیقتی چارپیتماق و یانلیش آدرس وئرمکدن عبارتدیر. دوشونوروک کی بو طرز حساس قونولاردا فیکیر بیان ائدرکن داها سوروملو داورانیلمالی و اورتایا آتیلان فیکیرین سونوجلاری دقتله حسابلانمالیدیر.

آراز نیوزون آنالیزینده پ.ک.ک.نی بؤیوتمک مساله سینه گلینجه؛ یازی دا یئر وئریلن خصوصلار اغراق دئییل بلکه میدانی گرچکلردیر کی سندلرینی الده ائتمک چوخ راحاتدیر. واقعیت بودور کی بوگون پ.ک.ک بیر سیرا سوپر گوجلرین حمایه سی ایله حددیندن آرتیق گوجله نیبدیر. اما بو مساله اونون تروریست، جانی، اویونچاق و پروژه اولدوغو گرچگینی دگیشدیرمز. و البته بو طرز پروژه لرین بیر مصرف تاریخی اولار کی القاعده و داعش اونلارین ان باریز نمونه سی ایدی. اؤنملی اولان بودور کی بو پروژه نین نه اولدوغونو یاخشی بیلک، دوغرو تثبیتده بولوناق و دوزگون یوللا موجادیله ائدک.

اؤنملی اولان بودور کی بو پروژه نین تروریست و غیر انسانی اولدوغونو آچیقجا بیان ائدیب و منطیقی یولارلا اونونلا مجادله ائدک. یالنیز مع الاسف بو قونودا بعضی دوستلاریمیز مردود اولورلار. بیز اینانیریق کی تورک میلتی نین بالقوه و بالفعل گوجو قارشیسیندا بو طرز پروژه لرین باشاری شانسی یوخدور، یئتر کی منطیقلی مجادله ائدیب چاش باش وورمایاق.

آنالیز مئتود لاریندا توتارسیزلیق “آراز نیوز”ون آنالیز مئتودلاری حاقدا – یونس شاملی

سون گون لرده “آراز نیوز” آدینا بیر یازی”یارگیری پ.ک.ک از آزربایجان برای به اصطلاح ارتش دمکراتیک ایران با محوریت کردها” باشلیغی ایله یایلمیشدیر. گؤرونوشونه گؤره بو یازی “پ.ک.ک” یه قارشی بیر الشدی یازیدیر. آمما دیققتله ایزلنن ده، و گونئی آزربایجان و ایران دا یاشایان تورک خالقینین چیخارلارین نظره آلاندا، بو یازینین آنالیز مئتودلاریندا جیددی توتارسیزلیق و تجربه سیزلیک گؤزه چارپیر. بو توتارسیزلیق سونوجو ایرانین سیاسی جغرافیاسیندا کی تورک میللی آزادلیق حرکاتینا یوخ، بلکه تورکیه ایقتیدارینین گئریه قالیمیش ساواش سیاست لرینینه خیدمت ائدین بیر یازییا چئوریلیر.

بو یازیدا “آراز نیوز”ون یازدیغی مقاله نین توتومو آنالیز اولمور، بلکه اورادا ایستفاده اولان “مئتود یا یؤنتم”لر آرانیر و آنالیز اولور. چون کو “یالنیش مئتودلاردان دوزگون سونوج چیخارماق مومکون دئیر” دئیه دوشونورم.
“آراز نیوز”دا یایلان یازیدا ایکی قونو اله آلنیب اله شدیریلیر؛ بیریسی “پ.ک.ک” بیر تروریست قوروپ کیمی و ایکینجی سی آمئریکا و آوروپا تورک لره قارشی بیر کوره سل امپریالیست گوج کیمی.
۱- سوآل بودور کی، بوگون گونئی آزربایجان و ایرانین تامام سیاسی جغرافیاسیندا جریان ائدن “تورک میللی آزادلیق حرکاتی” ، کوره سل آلاندا هانکی سیاسی گوجه یاخین دورمالی دی؟ باتی، یعنی آمئریکا و آوروپا دئولت لرینین می؟ یوخسا روسیه و چین ین؟

بیرینجی سی ، کوره سل آچی دان سوسیال، سیاسی و ائکونومیک یؤندن گلیشمیش و اینسان حاقلارینا ده یر وئرن اؤلکه لر قوشقوسوز “تورک میللی دئموکراتیک حرکاتی”نا ان یاخین سیاسی گوج لردیر. بو باخیمدان تورک میللی حرکاتی نین چیخارلاری کوره سل آلاندا بات دئولت لرینه یاخین دورماقدیر.
ایکینجی سی، ایران ایسلام جمهوریتی باتی ایله چه لیشگیده و حتتا ساواشدا اولماسی و بیر روس- چین یانلیسی اولاراق میللی دئموکراتیک حرکاتیمیز، ایستر ایسته مز باتی اؤلکه لرینه یاخین دورماقدا سونرا باشقا یول قالمیر. چون کو باتی دئولت لری اینسان حاقلارینا ده یر وئرمک لری و ایران دئولتی ایله چلیشگیده اولمالاری اوچون، گینه ده، ایستر ایسته مز بیزیم خالقیمیزا میللی دئموکراتیک موباریزه سینه ان یاخین کوره سل گوج لردیرلر، روسیه و چین یوخ! باشقا دئیش له تورک میللی دئموکراتیک حرکاتی نین چیخاری کوره سل آلاندا و سیاسی ساحه ده باتی اؤلکه لرینه یاخین دورماق دیر. آمما “آراز نیوز”ون آدین چکدییم یازیسی تامامیله باتی یا و آمئریکایا قارشیت بیر یازیدیر. من آشاغیدا “آراز نیوز”ون یایدیغی مقاله نین کوره سل گوجلره قارشی تاویرین گؤسترمک ایسته ییرم.

“آراز نیوز”دا یایلان مقاله تاسفله فارس دیلنده یازیلمیشدیر. من تنقیدیمی هر نه سبب دن سه تورکجه میزده یازماق ایسته ییرم. اما او یازیدان گتیردییم سیتات لار او یازینین اورژینال دیلیندن یعنی فارسجا اولاجاقدیر.

“آراز نیوز”ون آمئریکایا قارشی توتدوغو تاویر آشاغاداکی جمله لرده آیدینجا گؤرونور؛
پ.ک.ک و شاخه سوری آن‌که علناً و رسماً از سوی آمریکا یعنی سمبل امپریالیزم جهانی حمایت مالی، تسلیحاتی و سیاسی می‌شود
یک سازمان سیاسی … چگونه می‌تواند جیره‌خوار و مجری طرح‌های قدرت‌های جهانی سمبل امپریالیسم باشد؛
یک سازمان آزادی‌خواه چپ چگونه می‌تواند با بودجه و اسلحه قدرت‌های امپریالیستی خلق‌ها و ملل دیگر را مورد ظلم و ستم و حتی قتل‌عام قرار داده و برای خود کشورگشایی کند؟! سیتاتلارین سونو

“آراز نیوز” بو باخیش لا ایرانین سیاسی جغرافیاسیندا جریان ائدن “تورک/آزربایجان میللی دئموکراتیک حرکاتی” نی باتی یا قارشی یؤنلتمه کده دیر. بو آچیقجا حرکاتیمیزین کوره سل ایستراتئژیک یؤنلنمه سینه قارشی دیر. آراز نیوزون باتی یا قارشی بو توتومو ده رین یالنیشلیغا یول آچیرو حرکاتیمیزین چیخارلارینا قارشی بیر تاویر گؤسترمه ده بولونور. “آراز نیوز”ون بو یازیسی، بیزیم خالقین چیخارلاری دئیل، بلکه تورکیه ده ایقتیدارین یعنی آکپ نین چیخارلارین اساس توتاراق یازیلمیشدیر. آکپ اساسدا میللی حاقلارا قارشی اولان بیر دینچی- اولوس ایقتیداریدیر و اساس دوشونجه لری میللی حاقلارلا قارشی دورماقدیر. من بونا اؤرنک وئرمه نی لازیم گؤرمورم، آمما دوشونن اینسانلاریمیزا منیم بو سؤزوم البته کی چوخ معنا داشییر.

ایکینجی سی؛ “آراز نیوز”ون اوخوجولارینا بیلمه دن گؤسترن پ.ک.ک نین اولوملو سیماسی دیر. آراز نیوز بو یازیدا گویا پ.ک.ک. یی تنقید ائتمه یه چالیشیر. آمما باخین کی بو یازینین ترسینه اوخویانلارا پ. ک. ک.نی نئجه تانیتدیریر؛ رنگ له ایشارت له دییم بؤلومله ره دیققت ائدین

ولی در سایه تحولات منطقه‌ای … شاخه سوری پ.ک.ک موسوم به پ.ی.د توانست به موفقیت‌های چشم‌گیری دست یابد.
جمعیت کوردها حدود ۱۰ درصد جمعیت سوریه می‌باشد هم‌اکنون پ.ک.ک حدود یک‌سوم سوریه را تحت کنترل دارد
بنا بر برخی گزارش‌ها پ.ک.ک در حال حاضر در چهار کشور نزدیک به هشتاد هزار نیروی مسلح دارد و قصد دارد آن را تا صد هزار نفر افزایش دهد.
پ.ک.ک و شاخه سوری آن‌که علناً و رسماً از سوی آمریکا … حمایت مالی، تسلیحاتی و سیاسی می‌شود،
پ.ک.ک و شاخه سوری … حتی توانسته است تعدادی جوان ماجراجوی اروپایی را با شعار انترناسیونالیسم به‌سوی خود جذب کند.
چنین سازمان عریض و طویلی که هزینه‌های سالانه آن صدها میلیون دلار برآورد می‌شود نمی‌تواند جز با کمک‌های تسلیحاتی و مالی قدرت‌های بزرگ ‌پا بر جا بماند؛ زیرا منابع مالی پ.ک.ک از قاچاق مواد مخدر گرفته تا باج‌گیری مرزی و تعدادی واحدهای اقتصادی در اروپا به‌هیچ‌وجه کفاف چنین مخارجی را نمی‌کند
شاخه سوری پ.ک.ک … تعدادی عرب را اجیر کرده و با توسل تبلیغاتی به آنان خود را «ارتش دمکراتیک سوریه» می‌نامد.
پ.ک.ک … شعار «کنفدرالیسم دمکراتیک» می‌دهد” سیتات لارین سونو

من هئچ ظن ائتمیرم کی پ.ک.ک بو قدر گئنیش او تشکیلاتین گلیشمه سی و بؤیومه سی حاقدا بیر یئرده یازمیش اولسون. آمما بو گلیشمه لره! و بؤیومه لره! پ.ک.ک حاقیندا “آراز نیوز”ون یازیسیندا راستلاشماق اولور.
“آراز نیوز”ون یئتگیلی لریندن سوروشماق اولور کی “اؤنملی باشاریلاری اولان بیر تشکیلات لا”، “سوریه نین اوچ دن بیرین کونترول ائدن گوج له”، “هشتاد مین دن یوز مین سیلاحلی گوجو اولان تشکیلات لا”، “آمئریکا و آوروپانین مالی، سیاسی و حربی دسته یین ساغلایان بیر پارتیا ایله”، “آوروپانین گنج آوانتاریستلرین جلب ائدن بیر قوروم لا”، ایل ده یوزلر میلیون دولار یاردیم آلان بیر پارتیا ایله”، “دئموکراتیک کونفئدئرالیزیم شوعاری وئرن بیر قوروپلا” و… نئجه قارشی دورماق اولور؟!
آمما “آراز نیوز” یازیسیندا اؤزون چوخ گؤجلو گؤسترمه یه چالیشیر و پ.ک.ک نین باشاریلارین سایاندان سونرا مقاله نین سونون دا آمئریکا فیلیم لری کیمی اؤز یازیسین اوغورلا سونا چاتدیرماغا چالیشیر و یازیر کی؛
“ولی این سازمان بایستی بداند ملت تورک با تمام پتانسیل خود خواب‌هایش را به کابوس تبدیل خواهد کرد و غرب آزربایجان باتلاق تروریست‌ها و خودفروختگان به‌اصطلاح آزربایجانی‌اش خواهد بود.” سیاتین سونو

“آراز نیوز”ون مسئولارین خاطیرلاتماق لازیم دیر کی، آدین چکدینیز تشکیلات ۴۰ ایل دی تورکیه اوردوسو ایله ساواشدا حیاتینا هرنه دن سه دوام ائتمیشدیر و بو گون کئچمیش لردن داها چوخ گوجلو بیر دوروم دادیر. “آراز نیوز”ون یازیسینا گؤره بو پارتیانین بوگون هشتاد مین سیلاحلی گوجو واردیر! تورکیه اوردوسو غلبه چالابیلمه ین بیر تشکیلاتی ایرانین سیاسی جغرافیاسیندا اولان و تانیدیغیمیز تورک میللی حرکاتین تشکیلات لاری حقیقتن “آراز نیوز” تانیتدیریان پ.ک.ک یه غلبه چالا بیلیر می؟

“آراز نیوز” مسئولاریندان سوروشماق لازیمدیر کی؛ حقیقتن گرچکچی اولماساق، حرکاتیمیزی گلیشدیریب، آزربایجانیمیزی قورویا بیله ریک می؟

سونون دا “آراز نیوز”و گرچکچی بیر باخشی آچیسین بولماغا، دیقوساللیقدان اوزاقلاشماغا، ایران سیاسی جغرافیاسیندا یاشایان، گونئی آزربایجان وطن اولان تورک خالقی نین چیخارلارینی دیققتله آراماغا و تجربه لردن درسلیک چیخارماغا دعوت ائدیریم.

۲۰۱۸۱۱۰۲

منبع:
یارگیری پ.ک.ک از آزربایجان برای به اصطلاح ارتش دمکراتیک ایران با محوریت کردها