تورکجه خبر:
کؤچری قوشلار غربی آزربایجانا کؤچمه‌لرین باشلادیلار
باتی آزربایجان یابان حیات چئوره قوروما ایداره‌سینین باشقانی، کؤچری قوشلارین آزربایجان گؤللرینه کوچمه‌لریندن خبر وئردی.
باتی آزربایجان یابان حیات چئوره قوروما ایداره‌سینین باشقانی، کؤچری قوشلارین آزربایجان گؤللرینه کوچمه‌لریندن خبر وئردی.
یابان حیات چئوره قوروما اداره‌سینین باشقانی امید یوسفی قزئته‌چیلرله موصاحیبه‌ده باتی آزربایجاندا آلتمیشدان چوخ دائمی و موسم‌سل(فصلی) گؤل و چایین اولماسی و بو سولار هر ایل مینلرجه کؤچری قوشون قوناقلاما یئری اولدوغونا توخوناراق بئله دئدی: «باتی (غربی) آزربایجان ایللردیر کی کؤچری قوشلارین کؤچ یولاغیندادیر و ۱۳۰ الی ۱۴۰ مین قطعه قوشون استانین گؤللری و چایلارینا کؤچمه‌سی اؤن گؤرولور.»
او سؤزلرینین آردیندا آرتیردی: «بو ایل نئچه نوع یئنی قوش او جمله‌دن قارتال (شاهین) و هوبرت قوشو (هوبره) استاندا گورونوبلر کی اونلاری ثبت ائتمه‌یه چالیشاجاییق .
امید یوسفی هابئله آرتیردی: «بو ایل آو یاساغی و یاسادیشی (غیرقانونی) آولارین کشفی اوچون یاخشی آددیملار آتیلیبدیر. قوشلارین کؤچمه‌سی بو آددیملارین آرتماسینا سبب اولاجاقدیر.»
اورمو گؤلونون قوروماسیندان اول هر ایل مینلرجه فلامینگو و دورنا اورمو گؤلونه قوناق گلردیلر. تاسفله بو کؤچری قوشلارین ساییسی هر ایل آزالدی و بو گون آرتیق کئچمیش کیمی دگیل.
