تورکجه خبر:
شهریور آیی‌نین ۲۷-سی اوزئییر حاجی‌بی‌اوون دوغوم گونو آزربایجان موسیقی گونودور
سنتیابرین 18-ی، شهریورین 27-سی ایله برابر دونیا شوهرتلی آزربایجانلی بسته‌کار، دراماتورق، پئداقوق، ملی موسیقیمیزین گلیشمه‌سینده تایسیز خدمتلری اولموش اوزئییر حاجی‌بی‌لی‌نین آنادان اولما گونودور. اوزئییر بی تکجه آزربایجان دئییل، بوتؤولوکده شرق تاریخینین رونسانسیندا رول اوینامیش نادیر شخصیتلردندیر.
سنتیابرین ۱۸-ی، شهریورین ۲۷-سی ایله برابر دونیا شوهرتلی آزربایجانلی بسته‌کار، دراماتورق، پئداقوق، ملی موسیقیمیزین گلیشمه‌سینده تایسیز خدمتلری اولموش اوزئییر حاجی‌بی‌اوون آنادان اولما گونودور. اوزئییر بی تکجه آزربایجان دئییل، بوتؤولوکده شرق تاریخینین رونسانسیندا رول اوینامیش نادیر شخصیتلردندیر.
اوزئییر ۱۳۲ ایل بوندان اول سنتیابرین ۱۸-ده عبدالحسین بی و شیرین بگیم خانیم حاجی بی‌لیلرین عایله سینده دوغولدو. او ایلک تحصیلینی شوشاداکی ایکی صینیفلی روس-تورک مکتبده آلدی. شهرین زنگین موسیقی ایفاچیلیق عنعنه لری اوزئییر حاجی‌بی‌اوون موسیقی تربیه‌سینده اؤنملی رول اویناییبدیر. دونیا موسیقی خزینه سینه پارلاق اینجه لر بخش ائدن اوزئییر آزربایجاندا پئشه‌کار موسیقی‌نین قوروجوسودور، بسته‌کارلیق مکتبی نین، موسیقی کمدیا ژانری‌نین یارادیجیسی‌دیر.
شرقده اوپرانین و اوپراتتانین اساسینی قویوبدور. دولت کُرونو، سیمفونیک ارکسترانی، یاردایبدیر. اوزییر حاجی‌بی‌اوون طالعینده ان محتشم صحیفه بیرده اودور کی بسته‌کار قوزئی آزربایجان دولت هیمنی‌نین مؤلفی‌دیر. بوگون قوزئی آزربایجان بایراغی محض همین نوتلار آلتیندا دونیانین ان اعتبارلی سالونلاریندا اوجالیر. اوزئییر تورک دونیاسیندا ایلک اولاراق «لیلی و مجنون» اوپراسینی یازیب اجرا ائتدی.
بو بؤیوک و داهی موسیقیچی اؤز وطنی اولان آزربایجانا و اؤز دیلی اولان تورکجه‌یه خدمت ائتمگی هئچ زامان اونوتمادی.
