تورکجه خبر:
باتی آزربایجاندا، اوزوم باغچیلاری، اکیپ بیچدیکلری اوزوم محصولوندان، چوخ آز بیر مقداردا، پای آپاریرلار
آیری اولکه لره اوزوم صادیر ائتمک و دیگر استانلارا گوندیرلن اوزومون خئیری، باغچیلاردان زیاده، واسیطه لرین جیبینه گئدیر. بئله لیکله باتی آزربایجانین اوزوم باغچیلاری بیر ایل بویونجا اوزوم یئتیرمه یولوندا چکدیکلری زحمت لرین قارشیلیغینی آلابیلمیرلر.
آیری اولکه لره اوزوم صادیر ائتمک و دیگر استانلارا گوندیرلن اوزومون خئیری، باغچیلاردان زیاده، واسیطه لرین جیبینه گئدیر. بئله لیکله باتی آزربایجانین اوزوم باغچیلاری بیر ایل بویونجا اوزوم یئتیرمه یولوندا چکدیکلری زحمت لرین قارشیلیغینی آلابیلمیرلر.
باتی آزربایجاندا، یئتیشدیریلن اوزوم، کیفیت و تولید آچیسیندان هاردایسا هر زامان دونیا سویه‌سینده یئر آلمیشدیر. بازارا وئرمک باخیمیندان ایسه روسیه و اروپا بازاریلا قیاسلانا بیلر، اما ساتیش آچیسیندان، ساتیلان اوزومون منفعتی باغچیلاردان زیاده، آرادا اولان واسیطه لرین جبینه گئدیر.
ایران دا یاشانان ایقتیصادی کریزدن اؤتورو هر شئیین قیمتی صعودی بیر شکیلده یوکسلمه یه باشلادی و طبیعی دیرکی بو فلاکتلی دوروم باتی آزربایجان اوزوم باغچیلارینی دا اؤز تاثیری آلتیندا آلمیشدیر. ائله کی، بو ایل، اوزوم لره وئریلن کود، جعبه و دیگر محصولاتین ۳ قاتا یوکسلمه سینه رغما، اوزوم ساتیش قیمتینده بیر دئییشکلیک اولماییب و بو مسئله، باتی آزربایجان اوزوم اکینچی لرینین معیشتینی، جددی بیر سیخینتیا سوخموشدور کی بو دوروم دا گئنه ایران سوروملولاری نین تدبیرسیزلیغیندن باشقا بیر شئی دییلدیر.
بوتون بو سیخینتیلارین برابرینده بو ایل محصول وئرمه دؤنمینده، بؤلگه‌ده اورمو گؤلونون قوروماسیندان قایناقلانان، آرد آردا اوز وئرن دوز فیرتینالاری، اوزوم محصولاتی نین آزالماسینا دا سبب اولموشدور. ائله کی غربی آزربایجانین بحران مدریتینین گنل مدریری بو باره ده دئدی: “قوراقلیق، سیل، دولوو شاختا دیشیندا بؤلگه ده اوز وئرن طوفان لار، هر شئیدن چوخ، اوزوم تولیدی نین آزالماسینا سبب اولموشدور و دییه بیلریک کی بو دوروم ۱۳۹ مین ۴۰۹ میلیون ریال اکین ساحه سینه خسارت وارد ائدیبدیر.
