تورکجه خبر:
اردبیلین محکمه‌لرینده نارکوتیک ماده ایله باغلی پرونده لرین ساییسی یوزده ۸۰ آرتیبدیر
اردبیل استانی‌نین عمومی و انقلاب دادستانی‌نین آچیقلاماسینا گؤره، نارکوتیک ماده لر ایله باغلی پرونده لرین ساییسی اردبیل ده یوزده 80 آرتیبدیر.
اردبیل استانی‌نین عمومی و انقلاب دادستانی‌نین آچیقلاماسینا گؤره، نارکوتیک ماده لر ایله باغلی پرونده لرین ساییسی اردبیل ده یوزده ۸۰ آرتیبدیر.
اردبیل استانی‌نین نارکوتیک ماده لرله مبارزه شوراسینین صدری منسجم برنامه لرین اولماماسیندان تنقید ائده رک آرتیردی : «اعتیادین آرتماسی و اعتیاد یاشینین آزالماسی ایله بیرگه ، اجرائی دستگاهلارین، بو معضلین آزالماسی اوچون بیر برنامه سی یوخدور و بو قونودا گئنیش ایشلملرین گورولمه سی گرکلیدیر»
یئرلی خبر سیته‌لرینین وئردیگی بیلگیلره گوره اردبیلین استانداری، استانین عمومی و انقلاب دادستانی و باشقا سوروملولارین اشتراکی ایله اردبیل استانی‌نین مخدر ماده لرله مبارزه نین هماهنگی شوراسینین توپلانتیسی گرچکلشدی.
بو جلسه ده اردبیلین استانداری دئدی: «نارکوتیک ماده‌لرله مبارزه اوچون اونله‌ییجی ایقداملار، یایغین لاشما نین اینجه لنمه سین طلب ائدیرو بو قونودا بیلیم یوردلاری و علمی مرکزلرین ایشبیرلیگی گرکلی دیر.»
بهزاد ستاری ترک اعتیاد کمپلری نین سورونلارینا توخوناراق آرتیردی: «کمپ لرین هزینه لرینی تامین ائتمک بو مرکزلرین بویوک سورونلاریندان بیری دیر کی اینتظاریمیز وار بو قونودا ایلگیلی سازمانلار گرکن ایشلری یئرینه یئتیرسینلر.
او سوزلری نین آردیندا بعضی کمپلرین، ظرفیت لری نین اوچ قاتیندا معتاد قبول ائتدیک لرینه توخوناراق آرتیردی: «بو کمپ لردن حمایت ائتمک دوغرولتوسوندا اردبیلین بلدیه سی قراریدی ۴۶۰ میلیون تومن اؤده‌سین آنجاق بو مبلغ دن ۳۳۰ میلیون تومنی داها اؤدنمه‌ییبدیر (پرداخت اولمایبدیر) و تاسفله بو مسئله جدی سورونلارا ندن اولوبدور.»
توپلومسال آراشدیرماجیلارا گؤره، نارکوتیک (مواد مخدر) ماده‌لرین توپلومدا یاییغینلاشماسی نین بؤیوک ندن لریندن بیری ایشسیزلیک دیر. تاسف له گونئی آزربایجانین ایشه حاضیر اولان جاوانلارین اللرین بوتون قاپیلاردان اوزولوبدور.
