گونئی آزربایجانین دوغو سینیرلاریندا یئر آلمیش آستارا شهری نین بالیقچیلاری دونندن یئنی بالیق توتما موسوملرینی باشلادیلار. گلیرلری خزر دنیزینین ال آچیقلیغینا باغلی اولان بالیقچیلار گونلر اؤنجه‌دن تورلارین، قاییقلارین و گمی لرین حاضیرلامیشدیلار.

پنجشنبه ۲۲ شهریور آیی آستارا شهری نین بالیقچیلاری خزر دنیزیندن بالیق توتماق اوچون یولا چیخدیلار. شیلات اداره سی نین گنل مدیری شعبانی بو خبری آچیقلایاراق «آستارا شهرینین ۶۰ کیلومترلیک ساحلینده، ۵ تعاونی نین اویه‌سی اولان ۴۰۰ آوچی گلن ایل فروردین آیی نین اورتالارینادک بالیق توتاجاقلار» دئدی.

آرتیرمالی دیر کی آستارا شهری نین بالیق توتانلاری خزر دنیزی نین باشقا ساحیللرینده اولان شهرلردن بیر آیا یاخین تئز ایشه باشلاییرلار. خزر دنیزی نین سوموکلو بالیقلاریندان اولان سوف، کفال، سیم و آق بالیق بو فصل ده توتولان بالیقلاردان دیرلار.