تورکجه خبر:
ایران رژیمی بصره اولایلارینا فوزه ایله جاواب وئردی می؟
ایرن رژیمینه قارشی عراقین بصره شهرینده جریاندا اولان اعتراضلار و بو رژیمین کنسوللوغونون اودا چکمگی تهرانی اورتادوغو و بین الملل ساحه لرده اغیر بیر دوروما سالدی.
ایرن رژیمینه قارشی عراقین بصره شهرینده جریاندا اولان اعتراضلار و بو رژیمین کنسوللوغونون اودا چکیلمه‌سی تهرانی اورتادوغو و اولوسلارآراسی ساحه لرده آغیر بیر دوروما سالدی.
بوتون ایران رژیمینه باغلی اولان سیاسی، کولتورل و نظامی جریانلار عراق اؤلکه سینده باسقیدادیرلار. بونون آردیندان ایران رژیمی عراغین قوزئی بؤلگه سینده کردستان دموکرات پارتیسی و ایران کردستان دموکرات پارتیسی نین باشچیلار توپلانتی سین ها بئله اونلارین نظامی ائیتیم یئرلرین ۷ فوزه ایله هدف آلدی. بیر چوخ آراشتیرماجیلارا گؤره تهرانین بو ایشی بصره اولای لاری ایله باغلیلیغی واردیر. بو ایلشگینی اثباتلاماق اوچون ایکی نه دن ساییلیر:
۱- بصرده کی اولای لارین تبلیغاتی و خبری گوجون منحرف ائدیب باشقا یئره یورسون
۲- ایللر بویو عراقدا هزینه و زامان صرفی ایله الده ائتدیکلرینی راحاتجاسینا بایدیرماق ایستمیر
سونوجدا ایران رژیمی بیر چابا و چالیشا دوشوبدور. رژیمین باشچیلاری چوخ یاخشی بیلیرلر کی اللری عراقدان اوزمکده دیر و بو اونلارین حکومتینی هدف آلان گلجک آیلارداکی اولای لار ایله ایلگیلی دیر. آنجاق عراغین شیعه ملتی بئله آرتیق ایران رژیمینه باغلی اولان فاسد سوروملولاردان بئزیبلر. پارلمان سئچکیلری نین اوستون قازانانی صدر جریانی دا ایران رژیمی ایله ایشبیرلیک ایستمیر و بو رژیمه قارشی داورانیر.
بو آرادا ماراغلی اولان سورغولاردان بیری بودور نه دن ایران رژیمی و هر بیر اؤلکه ده اونا باغلی اولان افراد و سوروملولار اخلاقی، مالی و سیاسی فسادلارا مشغولدولار؟ بلکه دیکتاتورلوق، توتالیتر و ایدئولوژیک سیستملرین اؤزللیکلری دیرلر بونلار.
ایران کوردوستان دموکرات پارتیسی کردستان دموکرات پارتیسی نین ایشبیلرگی و امک داشلیغی ایله گونئی آزربایجانین باتی سینیرلاریندا بعضی ترورچولوق فعالیتلری اولوبدور کی بو اوزدن آزربایجان ملی حرکتی گؤزوندن بونلار محکومدورلار و آزربایجان تورک ملتینه غرامت وئرملیدیرلر.
