تورکجه خبر:
اردبیل استانی ایله استانبولون توریست بؤلومونده ایش بیرلیگی
اردبیلین استاندار یاردیمچیسی اولان بهروز ندایی و اردبیل استانی‌نین میراث فرهنگی مدیری نادر فلاحی، توریست و گزی سئکتورونو گلیشدیرمک و بو قونودا تورکیه ایله ایش بیرلیگی آماجیلا، استابولدا کولتور و توریزیم مدیری اولان جوشکون ییلمازلا اوتوروم گرچکلشدیردی.
اردبیلین استاندار یاردیمچیسی اولان بهروز ندایی و اردبیل استانی‌نین میراث فرهنگی مدیری نادر فلاحی، توریست و گزی سئکتورونو گلیشدیرمک و بو قونودا تورکیه ایله ایش بیرلیگی آماجیلا، استابولدا کولتور و توریزیم مدیری اولان جوشکون ییلمازلا اوتوروم گرچکلشدیردی.
یاییملانان بیلگیلر اساسیندا بو گؤروشمه‌نین باشلانغیجیندا کولتور اوزمانی اولان سهراب رحیمی، تورکیه ایله کولتورل باغلیلیغی اولوملو دگرلندیردی.
ایستانبولون کولتور و توریزیم گنل مودورو جوشکون ییلماز، توریزیم حوزه سینه اؤزل حساسیت گؤستردیغینی وورغولاییب دئدی: بیز توریزیم آلانینی گلیشتیرمک و گلن توریستلره داها یاخشی خدمتلر سونماق آماجیلا، توریزیم پلیسی یولا سالمیشیق، بئله لیکله توریستلر سیخینتی ایله اوز اوزه گلنده توریزیم پلیسلریندن کمک ایسته‌یه‌بیلرلر.
جوشکون توریسم و گزی پروقراملاریندا اردبیل استانی ایله ایش بیرلیک ائتمه‌یی مثبت گؤروب دئدی: ایندیلیک، تورکییه‌ده خارجی توریستلر ساییسی باخیمیندان، ایران‌دان گلن توریستلر ایکینجی‌دیرلر. کئچن آی بیرمیلیون ۷۳۰ مین نفر تورکیه‌یه توریست آخینیندان ۴۵۰ مین نفری ایران‌دان ایدی.
اردبیلین استادار یاریمچیسی اولان بهروز ندایی، کئچن ایل اردبیل استانی ۸ میلیونا یاخین توریستی قوناقلادیغینی سؤیله دی.
بیز تورکیه‌لی توریستلرین دیققتینی اردبیل استانینا جذب ائتمه‌یه چوخ ماراقلییق. اؤزللیکله هیدروتراپی (آبدرمانی) آلانیندا اردبیل استانی زنگین بیر بؤلگه ساییلیر.» دئدی.
اردبیل استانیندا ۱۱۰ دان چوخ هیدروتراپی مرکزی‌نین اولماسی بو بؤلگه‌نین توریزم ساحه‌سینده بؤیوک بیر پتانسیله صاحیب اولماسینا سبب اولموشدور.
