ایلک دفعه اولاراق باکی شهرینده عمادالدین نسیمی نین آدینا حصر اولونان شعر، اینجه صنعت و معنویات فستیوالی کئچیریلجکدیر. بو فستیوال مهر آیی نین ۵-دن ۸ دک تانینمیش نسیمی بیلگینلری‌نین اشتراکی ایله قورولاجاقدیر.

دوغونون داهی شاعیری و دوشونورلریندن بیری عمادالدین نسیمی نین یارادیجیلیغینا حصر اولونان شعر و اینجه صنعتین یاشاماسی مقصدی داشیان فستیوال قوزئی آزربایجان مدنیت باخانلیغی دستگی ایله گرچکلشه جکدیر.

آلتی یوزایل اؤنجه یاشامیش بؤیوک شاعیر نسیمی نین شعرلری یالنیز محتشم سؤز اوستالیغی نمونه لری دگیل، اونلار آنلام گوجو و کسرلی صمیمیلیگی ایله هر کسی وجودون سیرری قارشیسیندا فیکره دالیر.

فستیوال شاعرین فلسفی باخیشلارینی عکس ائتدیرن «سیمادان – آسمانا» و اونون اؤز کلامیندان گؤتورولن «ذره منم گونش منم ..» شعاری ایله کئچیریلجک دیر. تورکیه، گونئی آزربایجان، روسیه، آلمانیا، فرانسه، ویتنام، لبنان و ایران کیمی اؤلکه‌لردن نسیمی بیلگینلری و اونا ماراقلانانلار بو فستیوالا قاتیلاجاقلار.