آمریکانین جومهورباشقانی دونالد ترامپ بشار اسدی ادلب استانینا سالدیرماق قونوسوندا اویاراراق «مین‌لرجه اینسانین بو سالدیری‌دا جانینی ایتیرمک احتمالی واردیر» دئدی.

آمریکا جومهورباشقانی ترامپ، دمشق رژیمینین جومهورباشقانی بشار اسد و اونون ایکی متفقی ایران و روسیه نی مخالف‌لرین الینده اولان ادلب استانینا «قورخوسوزجا سالدیریدان» اویاراراق «مین‌لرجه اینسانین بو سالدیری‌دا جانینی ایتیرمک احتمالی واردیر» دئدی.

ترامپ دوشنبه گونو شهریور آیی نین ۱۲-ده توئیتر حسابیندان پایلاشدیغی بیر توئیتده «روس و ایران رژیملری بو بؤیوک اینسانی فاجعه‌یه قاتیلمالاری ایله بیر بؤیوک یانلیش ایش گؤره‌جکلر یوزمین‌لرجه انسان اؤله‌بیلر، بئله بیر اولایین باش وئرمه‌سینه ایذین وئرمه‌یین».

بوندان اؤنجه روسیه دیش‌ایشلرباخانی، سرگئی لاوروف «بیلینمه‌ین بیر گلجگه قدر ادلب استانینی ایندی کی دوروموندا اؤز حالینا بوراخماق اولماز.»

آلمان و فرانسه ده ادلب استانینا سالدیری احتمالی باره سینده سوریه نی بو سالدیرینین بیر انسانی فاجعه اولوشدوراجاغی قونوسوندا اویاریبلار. آلمان دیش‌ایش‌لرباخانی هایکو ماس بو قونو دا «ایسته ییریک کی بیر اینسانی فاجعه نین اوز وئرمه سینین اؤنو ادلب ده آلینسین» دئدی. او بو قونونو  تورکیه‌یه گئتدیگی سفرده تورک سوروملولاری ایله اورتایا قویاجاغینی وورغولاییبدیر.

فرانسه دیش‌ایشلر باخانلیغی‌دا بیر آچیقلاما یایینلایاراق «آشاغی سویه‌ده گرگینلیکلره صاحیب اولان ادلب اوستانین‌دا بشار اسد و اونونلا ایش‌بیرلیک ائدن دولت‌لرین گئنیش شکیل ده بیر عسگری عملیاتینی» قینایاراق اؤز نگرانلیغینی بیلدیریب.