تورکجه خبر:
ایرانین اقتصادی، چؤکوشه دوغرو سون آددیملارینی گؤتورمکده‌دیر
تهرانین بازاریندا بیر گون ایچینده دلارین قیمتی ان آز 2 مین تومن باهالاشدی و گونون بعضی ساعاتلاریندا 14 مین تومنی ده آشدی.
تهرانین بازاریندا بیر گون ایچینده دلارین قیمتی ان آز ۲ مین تومن باهالاشدی و گونون بعضی ساعاتلاریندا ۱۴ مین تومنی ده آشدی.
سه شنبه شهریور آیی نین ۱۳و، ایران رژیمی نین پولو ریالین گری ۵ ساعاتین ایچینده یوزده ۱۸ آزالدی. گونون ایلک ساعاتلاریندان بری تهران بازاریندا آمریکان دلاری ۵۰۰ تومن ۵۰۰تومن باهالاشماغا باشلادی ائله کی ۵ ساعات سونرا سحر چاغی ۱۱۵۰۰ حدودوندا اولان دولار ۱۴۰۰۰ آلیش وئریش اولدو.
انسانلار صرافی لرین اؤنونده سیرایا دوزولوب دلار آلماغا چالیشدیلار. آنجاق رژیمین سوروملولاریندان هئچ بیر تپکی گؤرونمه‌دی. بوگون سحر تهران بازاریندان گلن راپورلار اسایندا آلیش وئریش دایانیب آنجاق دلارین قیمتی ۱۵۰۰۰ تومن حدودوندا دولانیر. اقتصادی اوزمانلارا گؤره رژیمین ارزی قایناقلاری گئتدیکجه تؤکنمکده‌دیر و بو اوزدن بازاردا گئنه‌ده دلار باهالاشاجاقدیر.
