ایلک دفعه اینستاگرامدا بیر یئنی یئتمه قیز بو سنتی ماهنی ایله اویناییب ملتینی چالیشه چاغیردی قیسا بیر زامان ایچینده مینلرجه آزربایجانلی دونیا و ایران جغرافیاسی نین مختلف شهرلریندن بو کمپینه قاتیلدیلار.

سنی دئییرلر ماهنیسی اورمو گؤلو و بو شهرین گؤزللیکلرین تصویره چکیر و شاد اولدوغوندان دولایی بیر رقص هاواسی دیر. ماهنی نین اوخویان خواننده اورموگؤلونون سوروملولار طرفیندن قورولماسینا دا توخونور. بوگون مینلرجه گونئی آزربایجانین قیز و اوغلانی، قادینی و کیشیسی بو کمپینه قاتیلیب اؤز اویناماقلارین سانال دونیادا یاییرلار.

آرتیرمالی دیر کی بو کمپین گئتدیکجه اؤز اعتراضی اوزونو داها دا آرتیق گؤستریر. نیه کی ماهنی دا سنی دئییرلر جمله سین خالق سوروملولاری خطاب آلماق اوچون ایشلدیرلر و اونلارین اختلاس، اوغورلوق، یئترسیزلیک و دیکتاتور اولدوقلارینی خاطیرلادیرلار.