تورک اؤلکه لری نین ایشبیرلیک شوراسی نین ۶-جی اوتورومو جمهور باشقانی سویه سینده قرقیزستاندا کئچیریلدی. بو اوتورم دا اویه اولان اؤلکه لر قوزئی آزربایجان، قرقیزستان، تورکییه و قازاقیستان دان علاوه فخری قوناق اولاراق اؤزبکستان و ناظیر اؤلکه آدی ایله دا مجارستان اشتراک ائدیبلر.

بوگون روح اوردو کولتور مرکزینده قیرقیزستان جمهور باشقانی سورونبای جنبک اوون ائو صاحبلیگینده «تورک شوراسی ۶-جی دولت باشقانلاری اوتورومو» باشلاندی. قوزئی آزربایجان جمهور باشقانی الهام علی اوف، قزاقیستان جمهور باشقانی نور سلطان نظر بایف، تورکیه جمهور باشقانی رجب طیب اردوغان و قیرقیزستان جمهور باشقانی سورونبای جنبک اوف اویه اولاراق اوتورمدا، اؤزبکستان جمهور باشقانی شوکت میرزایف، فخری قوناق و مجارستان باشقانی ویکتور اوربان ایسه ناظر اؤلکه آدی ایله قاتیلدیلار.

آرتیرمالی دیر کی یکشنبه شهریور آیی نین ۱۱ بو زیروه ده اشتراک ائدن تورک اؤلکه لری و مجارستانین دیش ایشلر باخانلاری جمهور باشقانلاری نین اوتوروموندان بیر گون اؤنجه بیر اوتورم کئچیردیلر.

بو اوتوروم دا تورک دونیاسی نین سیاسی، اقتصادی و کولتورل مسئله لری اورتایا قویولوب تارتیشیلدی. تورکیه نین جمهور باشقانی اردوغان «بو گون بیزلری بیر آرایا گتیرن سادجه دیلیمیز، تاریخیمیز و کولتوروموز دگیل گونلی و رفاهلی بیر گلجگی بیرلیکده قورماق ایستک و ایراده میزدیر» دئدی. آمریکا دلاری نین باسقیسیندان قورتولماق اوچون اردوغان سؤزلری نین آردیندا تورک اؤلکه لری نین اؤز پارالاری ایله بیر بیری ایله تجارت ائتمکلرینی اؤنردی.

دقته چاتدیرماق ایسته‌ییریک کی اوزبکستان تورک اؤلکه سی ۱۷ ایل سونرا بو اوتوروملاردا جمهور باشقانی سویه سینده اشتراک ائتدی.