آذربایجان فئدئراسیونو ایسوئچ-آفی طرفیندن ایستوکهولم’ون نوررمالمستورگ میدانیندا اعتراض میتینقی کئچیریلدی. بو میتینقده گونئیلی، قوزئیلی آذربایجانلی سویداشلار ایشتیراک ائدیب و اؤز اعتراضلارینی ایران رئژیمینین آنتی آذربایجان سیاستلرینه بیلدیردیلر. میتینق یئرلی ساعتلا ۱۵:۰۰ دا باشلاییب ۱۶:۳۰ قدر سوردو. اعتراض آکسیونوندا آفی باشقانی ستار سئوگین ایسوئچ دیلینده چیخیش ائدیب و دورومو ایشتیراک‌چیلارا آنلاتدی، سونرا آفی-نین بیانییه‌سی آفی امکداشی آسلان سلطانی واسطه‌سی ایله آذربایجان تورکجه ‌سینده اوخوندو. میتینقین آخیشیندا ایشتیراک ائد‌ن یوردداشلار نؤوبه ایله اؤز فیکیرلرینی بیلدیریب و گونئی آذربایجان’‌دا گئدن ایرانین آنتی تورک-آذربایجان سیاستلرینی قیناییب و سیاسی محبوسلاریمیزا ان تئز زاماندا آزادلیق ایستَیینده بولوندولار. میتینقی حسن آغا دمیرچی ‘نین اؤیرنجی‌سی اولموش سوتوی قاراداغلی توسطو ایله آپاریلدی و ائیله‌مین گئدیشینده آزادلیق نغمه‌سی وئرن موسیقیلر سسلندیریلدی.آفی آدینا بوتون ایشتیراک‌چیلار و دستک وئرن هر کسه اؤز درین میننتدارلیغیمیزی بیلدیریریک.

آسلان سلطانی