گونئی آزربایجان میللی فعاللاری:
گونئی آزربایجانلی اؤیرنجی سالار طاهر افشار بیر ایل حبسه محکوم ائدیلدی
گونئی آزربایجان میللی فعالی سالار طاهر افشار ایران رژیمی طرفیندن قوندارما سوچلامالارا گؤره محکمه طرفیندن بیر ایل حبسه محکوم اولدو.
گونئی آزربایجان میللی فعالی سالار طاهر افشار ایران رژیمی طرفیندن قوندارما سوچلامالارا گؤره محکمه طرفیندن بیر ایل حبسه محکوم اولدو.
آزوح سایتی‌نین وئردیگی بیلگیلره گؤره، «سالار طاهر افشار» گونئی آزربایجانلی اؤیرنجی میالی فعاللاریندان بابک خرمدین‌ین دوغوم گونو موناسبتی ایله پایلادیغی شکلات و میللی چالیشمالارینا گؤره ایران محکمه‌سی طرفیندن بیر ایل تعزیری حبسه محکوم اولوبدور.
اورمیه شهری ساکینی اولان سالار طاهر افشار ۱۷ یاشیندا گنج آزربایجان میللی فعالی بو ایل جولای (اییول) آییندا(تیر آیی) آزربایجانلیلارین مللی قهرمانی اولان بابک خرمدین‌ین دوغوم گونو موناسیبتی ایله شکلات داغیتدیغی اوچون ایران رژیمی‌نین امنیتی قوه‌لری طرفیندن توتوقلاندی. سالار طاهر افشار اورمیه محکمه‌سی طرفیندن بیر ایل حبسه محکوم اولدو.
الده ائدیلمیش بیلگیلره گؤره اورمیه محکمه‌سی حوکمو یازیلی شکیلده آزربایجان میللی فعالینا تسلیم ائتمکدن ایمتیناع ائدیبدیر. آنجاق میللی فعال اؤزل اشیالارینی محکمه‌دن آلماق اوچون همین قوروما موراجیعت ائتدیگی زامان محکمه‌نین قراریندان خبردار اولور.
محکمه مامورلاری بو شخصین یاخینلارینا دئییب‌لر کی امنیتی حکم هئچ کسه تحویل وئریلمیر. امنیتی و قضائی مسؤل لاری اورمیه شهرینده بو گنج اؤیرنچی‌نین وکیلینه باسقی گتیره‌رک بو اؤیرنچی‌نین وکالتین بو شخص‌دن سلب ائدیب‌لر.
