سعید متین پور تهراندا حبسده اولان تبریزلی موسیقیچی ایسماییل برزگری‌نین مدافعه‌سینه چاغیریب
تئهرانین ائوین زیندانیندا حبسده اولان تانینمیش ژورنالیستسید متین پور گونئی‌لی فعال‌لاری 20 گونه یاخین‌دیر همین حبس‌خانادا آجلیق ائدن تبریزلی موسیقیچی ایسماعیل برزیگرینی مدافعه ائتمه‌یه چاغیریب. سید متین پورون مراجعتینده دئییلیر: “گئج اولمامیش سسیمیزی خالقین قولاغینا چات‌دیرین. بیر صنعتنتچیمیز اؤلوم آیاغیندا. اونون مدافعه‌سی هامیمیزین بورجودور.” ایسماعیل برزیگری و دیگر تبریزلی صنعتچی رسول حیدرزاده 2011-جی ایلین یونوندا اطلاعات مامورلاری طرفین‌دن توتولانا قدر آزربایجان رئسپوبلیکاسی و ایراندا موسیقی فعالیت‌لری ایله مشغول ایدی‌لر. ایران اینقیلاب محکمه‌سی ایکی آزربایجان‌لی موسیقیچینی جاسوسلوقدا گوناهلان‌دیرا‌راق 7 ایل هبسه محکوم ائدیب.
سعید متینپورون آزربایجان سایت‌لاری و اجتماعی شبکه‌لر طرفین‌دن نویابرین 11-ده نشر ائدیلمیش آچیق مکتوبوندا دئییلیر: “برزیگری و حیدرزاده قانون چرچیوه‌سین‌دن ائشیک یول‌لارلا سورغولانیب، سونرا موحاکیمه آدلی اویوندا جزالانیب‌لار. اونلار بو عدالت‌سیزلییه [قارشی] تکجه بیر سلاح تاپمیش؛ نئچه یول آجلیغا باشلاییب‌لار. اؤزللیکله ایسماعیل برزیگری دفعه‌لرله آجلیق ائدیب. کئچن پاییزدا اونون دیش‌لری نئچه سی سیندیریلیب… او واخت، موا‌لیجه‌خانادا آجلیغا سون وئریب زیندانا قایتاریلاندا باشقاسی‌نین یاردیمی اولما‌دان آیاق اوسته دورا بیلمیردی. برزیگر، اؤز وضعیتینی زیندان مسئول‌لارینا سؤیله‌ییب اونلاردان درمان ایمکان‌لاری ایسته‌دی… او، مکتوب‌لار و دیلکچه‌لرینی جاواب‌سیز گؤرونجه، یئنی‌دن آجلیغا باشلاییب. 17 گون‌دور یوخ اتینی اری‌دیر، گؤزوموزون اؤنونده سولور،” دئیه ژورنالیست علاوه ائدیر. سید متینپور مکتوبوندا ایسمایل برزیگری‌نین دورومونا گؤره ایران ایسلام رئسپوبلیکاسی‌نین مسئول اولدوغونو قئید ائده‌رک، گونئی‌لی مدنی فعال‌لاری موسیقیچینی مدافعه ائتمه‌یه چاغیریر: “ایسلام جومهوریتی دؤولتی ایسماعیل برزیگری و رسول حیدرزاده‌یه گؤره مسئول‌دور. بو سنتچی‌لرین باشینا نه گلیرسه گوناهی بو دؤولتین بوینونا‌دیر… بیز دؤولتی تانیییریق، توپلومون گوجو اولماسا سوروملولوغون‌دان قاچا‌جاق. میللتین سسینی و گوجونو گؤزلییریک. آذربایجان سنتچی‌لری، موسیقیچی‌لری، یازارلاری و بوتون خالقیمیز بالاسی‌نین سسینی ائشیتمه‌لی‌دیر.”
آمئریکانین سسی
