بوراخین آزادلیغی! – داود توران
خبرلرده خویلو چئویرمن، الشدیرمن و یازار شهریار گلوانی نین توتوقلاندیغینی دویدوم. ایلک دویدوغومدا اینانمادیم. شهریار -ین ایشی گوجو سؤزجوکلر ایله دیر. سؤزجوکلر ایله اوغراشان بیر اینسانی هم ده بو اولایلاردا نده‌ن توتوقلاسینلار کی؟
خبرلرده خویلو چئویرمن، الشدیرمن و یازار شهریار گلوانی نین توتوقلاندیغینی دویدوم. ایلک دویدوغومدا اینانمادیم. شهریار -ین ایشی گوجو سؤزجوکلر ایله دیر. سؤزجوکلر ایله اوغراشان بیر اینسانی هم ده بو اولایلاردا نده‌ن توتوقلاسینلار کی؟
یانلیش خاطیرلامیرسام شهریار ایله سون گؤروشوموز اون ایکی ایل بوندان اؤنجه یه قاییدیر. ۲۰۰۵ ایلینده تورکییه‌لی شاعیر و دوشونور آتیللا ایلهان-ین وفاتی مناسیبتی ایله خوی-دا اورین درنه‌گینده بیر آنما تؤره‌نی وار ایدی. رحمتلیک ابراهیم جعفرزاده نین باشچیلیغیندا قورولموشدو بو درنک و تؤره‌ن. من‌ده عائله‌نی زیارت اوچون خوی-دا ایدیم. دوستلارین دعوتی ایله پروقراما قاتیلدیم و اورادا شهریار گلوانی-نین گرچکدن بیر آیدین اولدوغونو گؤردوم. هم دوشونجه طرزی هم ده یاشام بیچیمی ایله کیچیک بیر شهر ده مدرنیته‌نی یاشاتمایا چالیشیردی. گؤزلرینده اؤزگورلوک ایشیغی وار ایدی.
شهریار، خوی کیمی شهرده بؤیوک ایشلر گؤرور. آزادلیغی اینسانلارا آنلادیر. آزادلیغین بیر دؤولت طرفیندن وئریلن بیر امتیاز اولمادیغینی بلکه اینسانی بیر حاق اولدوغونو آنلادیر. بونون اوچون چئویریلر ائدیر، یازیر و یارادیر.
اوماریم تئزلیکله آزادلیغینا قاووشار. سؤزجوکلری اونو اؤزله میشدیر ایندی.
