آراز نیوز’ون “ساو تی وی”نین آچیلیشی ایله باغلی قوتلاما مساژی
آزربایجان تورک ملتی گونوموزده ایران آدلانان اولکه ده، باشدا اوز مقدراتینا حاکیم اولماق اوزره، تمل حاق و اوزگورلکلری اوغروندا آمانسیز بیر مجادله وئرمکده دیر. هئچ شبهه سیز بو آمانسیز مجادله ده مئدیا سون درجه اونملی و حیاتی بیر اونم داشیماقدادیر.
آراز نیوز’ون “ساو تی وی”نین آچیلیشی ایله باغلی قوتلاما مساژی
آزربایجان تورک ملتی گونوموزده ایران آدلانان اولکه ده، باشدا اوز مقدراتینا حاکیم اولماق اوزره، تمل حاق و اوزگورلوکلری اوغروندا آمانسیز بیر مجادله وئرمکده دیر. هئچ شبهه سیز بو آمانسیز مجادله ده مئدیا سون درجه اونملی و حیاتی بیر اونم داشیماقدادیر.
بوتون قورولوشلاری ایله گونئی آزربایجان نین دارتیشماسیز غالب سیاسی گوجو حالینا گلن آزربایجان ملی حرکتی، اوز مستقل مئدیاسینی یاراتماق یولوندا آرتیق اونملی بیر یول آلمیش و جیددی آددیملار آتمیشدیر.
اوزللیکله آزربایجان و تورک دوشمانلارینین گئجه گوندوز توطئه قوردوغو بو گونلرده مستقل و حرفه ای مئدیا آزربایجان ملی حرکتی اوچون یاشامسال بیر قونو حالینا گلیبدیر.
بئلنچی بیر اورتامدا “ساو تی وی” نین آزربایجان مئدیا عایله سینه قاتیلماسی هر بیر وطن سئور و ملت سئور آزربایجان تورکو کیمی بیزی ده سئویندیرمیش و موتلو ائتمیشدیر.
امینیک “ساو تی وی” چوخ سسلی و افاده اوزگورلوگونه صاحیب بیر آزربایجان مئدیاسینا و دولاییسی ایله ملی مجادله میزه دگرلی قاتقیلاردا بولوناجاقدیر.
بو وسیله ایله بیر داها دگرلی “ساو تی وی”نین آچیلیشینی آزربایجان تورک میلتی و ساو تی وی امکداشلارینا تبریک دئییب باشاریلار و اوغورلار دیله ییریک.
آراز نیوز خبر – آنالیز وب سایتی و اینترنت تلوزیونو کولئکتیوی
