داود توران:
بیزیم بیر دؤولتیمیز وار ایدی – داود توران
مدرن دؤولتچیلیک قوروملارینی قورموش و گونئی آزربایجان تورک اینسانینا یئنی بیر دونیا وعد ائتمیشدیر. گلنکسل دؤولت آنلاییشینی ییخاراق توپلومون قاتیمیلی ایله دؤولت-میللت ایلیشکیسینی یئنیدن تانیملامیشدیر. دؤولت، اوست قوروم و تانریساللیقدان چیخاراق توپلوم قارشیسیندا سورومولولوق آلمیشدیر.
داود توران
بیر توپلوم دوشونون، بیر زامانلار یاشادیغی تورپاقلاردا اوزون ایللر امپراطورلوق قورموش آما مدرنلیگین گلیشی ایله بیرلیکده میللی کیملیگینی یئنی دونیا تانیملاری ایله اورتایا قویا بیلمه میشدیر. اورتایان چیخان یئنی رسمی کیملیک اونون وارینی یوخونو هدف آلمیش و وارلیغینی او توپراقلاردان سیلمک ایسته میشدیر. بو باسقیلارین سونوجوندا یئنی دن میللت اولما و اؤز دؤولتینی قورما اولکوسونو گرچکلشدیرمک اوچون ایکینجی دونیا ساواشی سونراسیندا مجادله یه باشلامیش و قازانمیشدیر.
مدرن دؤولتچیلیک قوروملارینی قورموش و گونئی آزربایجان تورک اینسانینا یئنی بیر دونیا وعد ائتمیشدیر. گلنکسل دؤولت آنلاییشینی ییخاراق توپلومون قاتیمیلی ایله دؤولت-میللت ایلیشکیسینی یئنیدن تانیملامیشدیر. دؤولت، اوست قوروم و تانریساللیقدان چیخاراق توپلوم قارشیسیندا سورومولولوق آلمیشدیر.
۱۹۴۵ ایلینده قورولان آزربایجان میللی حؤکومتی، گونئی آزربایجان تورک اینسانی‌نین اؤز میللی کیملیگینه دایالی گئجیمیش ده اولسا قوردوغو میللی دؤولتی ایدی. بیزیم بیر دؤولتیمیز وار ایدی. بیزیم اینسانین اؤز سسلری ایله قورولان بیر دؤولت.
۲۱ آذر گونئی آزربایجان دؤولتچیلیک گونو قوتلو اولسون.
