دیرلی سویداشلار،
سئویملی آذربایجان تورک میلتی! 
هر گون ایره‌لیله‌مکده اولان آذربایجان میللی حرکاتینین میللی-سیاسی درینلیگی یئنی آشامالارادان کئچیر. دونیا، بؤلگه و اؤلکه اوزره گئدن سیاسی ستراتئژیلرین مرکزینده ائتنیک یاپی دورماقدادیر. گونئی آذربایجان، دونیا گوجلرینین ایستی و سویوق ساواشینین تام مرکزینده دایانماقدادیر. بؤلگه‌نین گله‌جگی ایله باغلی سؤز صاحیبی اولما چابالاری بوتون بؤلگه خالقلاری کیمی آذربایجان تورک میلتینی ده ان ایچدن ایلگیلندیرمکده‌دیر. قاراباغ، کرکوک و آددیم-آددیم اورمو کیمی دوغما مرکزلریمیز یاد ائللی قونشولار طرفیندن باسقی یا آلینمیش و یا ایشغال سورجی یاشاماقدادیر. آرتیق، “بیز اولوب یاشاماق، یوخسا بیزلیکدن اوزولوب سارسیلماق”! آستاناسینداییق. تک بیر سؤزله تورک میلتینین ازهلی-ابدی اولان وطن آنلاییشی بؤیوک تهدید آلتیندادیر. پانفاشیست فارسچی رئژیمین گونئی آذربایجان تورکلویونه قارشی اولان فاشیستجه داورانیشی گون کئچدیکجه آپ-آیدین دؤولت ستراتئژیسی کیمی گؤزوکمکدهدیر. تورک میلتی بؤیوک دوشمن چنبری آراسیندا قوشاتیلمیش دورومدادیر. آنجاق، بونا باخمایاراق، آیقلانمیش اولو میلتیمیزین میللی داواسی دا دایانمادان سورمکدهدیر. هئچ شوبههسیز، تورک میلتی اؤز حاقلی ساواشینی قازاناجاقدیر. بو ساواش سورجینده میلتیمیزین موطلق اؤرگوتلنمهسی گرهکیر. بو اوزدن، “گونئی آذربایجان دئموکراتیک تورک بیرلیگی” گادتب بیز اولوب یاشاماق! ایرادهسینی اورتایا قویان قهرمان تورک گنجلیگیمیزه دستک اولماق آماجییلا میللی ساواش مئیدانینا آیاق قویماقدادیر .