گوناز تی وی نین تخریبات شوولاری ایله باغلی
سایین حسام الدین فرضی زاده نین گوناز تی وی نین ادعالاری ایله باغلی ایضاحلاری (رسیم و فیلم)
بیز احمد اوبالی بی دن سوروشوروق؛ بیر حالدا کی سایین فرضی زاده نین اؤزو بیان ائدیر کی بابک چلبیانلی و کریم اصغری منه یاردیم ائدیبلر و بیزیم علیه یمیزه بیر جومله بئله دئمیر سن نیه اصرارلا اوندان ایسته ییرسن دیرنیش تشکیلاتی نی سوچلاسین؟!
سایین حسام الدین فرضی زاده نین گوناز تی وی نین ادعالاری ایله باغلی ایضاحلاری
دگرلی هم وطن لرسون هفته لرده شاهید اولدوغونوز کیمی احمد اوبالی بی گونازتی وی ده آزربایجان ملی دیرنیش تشکیلاتی و اونون عضولرینه تهمت و افترالار آتاراق قارا یاخماغا چالیشیر. جمعه گونو (۲۸/۰۷/۲۰۱۷) یایینلانان شوودا ادعا اولوندوغو اوزره گویا تشکیلاتیمیزین منسوبلاری حسام الدین فرضی زاده آدلی بیر شخص دن احمد اوبالی علیه ینده دانیشماغینی ایسته ییبلر و او شخص قبول ائتمه یینجه اونو تورکیه دن دئپورت ائتدیریبلر! حالبوکی سایین حسام الدین فرضی زاده نین اؤز سوزلری بو ادعانین تمامی ایله یالان اولدوغونو آچیقجا اورتایا قویماقدادیر.
سایین حسام الدین فرضی زاده تشکیلاتیمیزین سؤزچوسو سایین بابک چلبیانلی ایله دانیشیقلاریندا مساله نین اصلینی اورتایا قویوبدور.
سایین بابک چلبیانلی نین بو حاقدا کی ایضاحی آشاغیدا وئریلمیشدیر:
چهارشنبه ۲۶/۰۷/۲۰۱۷ آخشام احمد بی بیر اورتاق دوستوموزا زنگ آچیب و دئیب کی جمعه گونو حسام الدین آدلی بیر شخصی کی گویا تورکیه ده بیزیم طرفیمیزدن اینجیدیلیب و دئپورت ائتدیریلیب، اکرانا چیخاراجاق و جینایتلرین اوستونو آچاجاق! چوخ تعجب ائله دیم، چونکو من شخصا حسام الدین فرضی زاده بیه ایمکان داخیلینده هم خبرینی گوندمه گتیرمکده هم ده تورکیه یه گلدیگی زامان یاردیمجی اولموشدوم.
حسام الدین بی ایله تانیشلیغیم:
حسام الدین بی حاقیندا ۱۸ آگوست ۲۰۱۵ تاریخینده قارداشی سعید واسطه سی ایله آمئریکا سسینده بیر خبر ایشله میشدیم. آردیندان علیرضا بی قولونجونون ۲ سنتیابر ۲۱۰۵ تاریخینده قارداشی ایله حسام الدین بی حاقیندا سسلی موصاحیبه ائتمه سینه واسیطه اولموشدوم. حسام الدین بی آرا سیرا منه اینترنت اوزریندن یازاردی. منه یازدی کی ایسته ییر قاچاق تورکیه یه گلسین و من دئدیم هر زامان تورکیه یه گلدین منه ده خبر وئر، الیمدن گلسه یاردیمجی اولارام.
۷ سنتیابر ۲۱۰۶ تاریخینده حسام الدین بی منه تلگرامدان یازدی کی تورکیه یه گلیبدیر و آنکارا ترمینالیندایدیر. منیم ایسته گیم ایله اسکی اویه میز سایین کریم بی اصغری حسام الدین بیه اولاشیب، اونو بیر هتله یئرلشدیردی و جزئی بیر مقداردا مالی یاردیم ائله دی. یالنیز او گوندن سونرا سایین فرضی زاده منه بیر داها یازمادی و ارتباطیمیز کسیلدی.
چهارشنبه ۲۶/۰۷/۲۰۱۷ گونو دوستوموز زنگ آچاندا آخشام گئج اولدوغو اوچون صاباحی یعنی جمعه آخشامی حسام الدین بیی اینترنتده آختاردیم و نهایت اینستاگرام حسابینی تاپدیم. سلام کئف احوالدان سونرا سوروشدوم بئله بیر قضیه وار سن بیزیم علیه میزه دانیشاجاقمیشسان، دوغرومو؟
یوخ دئدی.
منه آنلاتیغینا گؤره کریم بی اونو هتله یئرلشدیردیکدن بیر سوره سونرا قاییدیب ایرانا. سایین فرضی زاده دئییر: ((ائو توتماق اوچون چوخ پول ایستییردی، منیم ده پولوم یوخو ایدی. اونا گؤره قوشولدوم تورکیه لیلره گئتدیم کربلایا، اورداندا ایرانا گئچدیم.)) و بیرنئچه مدت سونرا تکرار قاییدب تورکیه.
سایین فرضی زاده اؤز دئییشی ایله ایکینجی دفعه تورکیه یه گلدیگی زامان منیمله تماسا گئچمه میشدی.
جمعه آخشام حسام الدین بی تکرار منه یازدی ضروری بیر ایشی وار و دئدی: ((بی منه کت شالوار گئیدیریب کراوات تاخیب احمد اوبالی ایله موصاحبه ائله تدیردیلر)) و دئدی کی: ((احمد اوبالی اصرار ائله دی کی سنین آدینی وئرم اما من سنین آدینی دئمه دیم. بیر آزدا ناراحات اولدو)).
ان سون ایسه سایین حسام الدین فرضی زاده ایله مصاحبه سی گوناز دا یایلاندان سونرا سسلی دانیشدیق کی اونون دا گؤرونتو فایلی سونولور.
سایین حسام الدین فرضی زاده گوناز ایله مصاحیبه سینده بیان ائدیر کی ایکینجی دفعه تورکیه یه گلنده دؤرد نفر هتلده اونونلا گؤروشوبلر و احمد اوبالی حاققیندا منفی فیکیرلر بیان ائتمه سینی ایسته ییبلر، یالنیز او قبول ائتمه ییب. گویا سونراکی گون پلیس اونو نظارته آلیب و همان گون ایرانا دئپورت ائدیب.
احمد اوبالی ایسه اؤز یانیندان ادعا ائدیر کی او دؤرد نفر دیرنیش منسوبلاری اولوبلار و دیرنیش حسام الدین فرضی زاده بیی دئپورت ائتدیریب.
یالینز بوردا نئچه منطقی سوال وار:
- بیر آدامین کی میلی حرکت ایله اوزاقدان یاخیندان علاقه سی یوخدور اونون احمد اوبالی حاققیندا دانیشماسی نه قدر اؤنملی اولار و بو مساله احمد اوبالینین مخالیفلرینه نه فایدا ساغلار؟!
- تورکیه ده بیر نفرین دئپورت اولماسی اوچون ساوجیلیق (دادستانی) سوروشدورماسی و محکمه قراری لازیمدیر. ساوجیلیق سوروشدورماسی و محکمه قراری اولمادان پلیس کیمسه نی دئپورت ائده بیلمز. بیر پلیس آمیری بئله بیر غیر قاونی ایش گؤرسه (کی عملده ممکون دئییل، چونکو هر ایلین اؤز پلیس تشکیلاتی وار و مرکزی قرار اولماسا بیر ایل باشقا ایله توتوقلو گؤندره بیلمز) اونون اوچون آغیر سونوجلاری اولار. ساوجیلیق سوروشدورماسی و محکمه قراری ایله دئپورت ایسه ان آزی نئچه گون سورر و بو مدتده شخص نظارتده قالار.
- تورک مقاملاری بللی شرطلرده بیر سیغینماجینی دئپورت ائده بیلرلر یالنیز ژنو سؤزلشمه سی گرگی بیرلشمیش ملتلر قوروماسیندا اولان بیر شخص اؤز وطنینه یوخ، آنجاق اوچونجو بیر اؤلکه یه دئپورت ائدیله بیلر.
اوموروق بو سواللار اؤز جوابینی تاپار. هر حالدا سایین فرضی زاده نین ادعالارینین دوغرو و یا یانلیش اولدوغونو اثباتلاماق بیزیم مساله میز دئییل و ائله بیر امکانیمیز دا یوخدور. بیز سایین فرضی زاده نین بوتون ادعالارینین دوغرو اولدوغونو فرض آلیریق.
لطفا حسام الدین بیله اینستگرام دا دانیشعیمیزی دیقتله اوخویون سونرا اؤزونوز قضاوت ائله یین احمد بی پناهنده دن سوء استفاده ائدیر و میلی فعاللاری تخریب ائدیر، یوخسا بیز؟
بیز احمد اوبالی بی دن سوروشوروق؛ بیر حالدا کی سایین فرضی زاده نین اؤزو بیان ائدیر کی بابک چلبیانلی و کریم اصغری منه یاردیم ائدیبلر و بیزیم علیه یمیزه بیر جومله بئله دئمیر سن نیه اصرارلا اوندان ایسته ییرسن دیرنیش تشکیلاتی نی سوچلاسین؟!
سایین اوبالی بونجا تخریبات و شانتاژچیلیقدان هدفین نه دیر؟
قضاوتی آزربایجان تورک ملتینه بوراخیریق.
یازیشمالار و دانیشیق سیراسییلا آشاغی دا وئریلمیشدیر؛
بیرینجی یازیشما:
ایکینجی یازیشما:
دانیشیغین فیلمی:
