1945-نجی ایل سپتامبر آیینین اونینده، قزوینده یاشیان آذربایجان جوانلارینین عمومی ایجلاسی تبریز شهرینده تشکیل اولونموش دموقرات فرقه سینین مراجعت نامه سنی اوقویوب و تقدیر ایدیرلر.

بیز قزوینده یاشییان آذربایجانلیلار، آذربایجاندا تازه تشکیل اولونمیش دموقرات فرقه سینین مراجعتنامه سنی صمیم قلبدن تبریک ایدیرک. آذربایجان اوزون ایللردر که بیر اووچ خائنلر طرفیندن جهالت و عواملق باتلاقینه غرق اولوب دیلی و مدنیتی تحقیر ایدیلیبدیر.

عصرلردن بری بو وضعیت ایچرسینده یاشیان آذربایجان خلقی بو گون تشکیل تاپمیش فرقه نین شعارلارینه سویوق باقا بیلمز.

بو ملی دموقرات فرقه سی آذربایجانین قهرمان آزادیخواهلارینین مبارزه سی سایه سنده تشکیل تاپمشدر. آذربایجان اوغوللارینین ئوز ملتین سعادتیندن باشقا بیر آرزوسی یوخدور. دموقرات فرقه سنین اطرافنه توپلاشانلارین آزادیخواهلیق سوابقی بو مقدس شعارلارین قاباغه گیتمه سینه بویوک خدمت ائده جکدیر.

ئوز شعارلارینده آذربایجانده آنادیلینین اوخونماسی قید ایدیبدیر. دورت میلیون یاریم نفوسه مالک اولان آذربایجان خلقی آرتیق ئوز آنا دیلنده مکتبلرین اولماسنده، بهداشت و فرهنگ و کشاورزی و ئوز عموم داخلی ایشلرینده مختار اولمالی در. قزوینده یاشییان بیز آذربایجانلیلار امینیک که جهالت و عواملق منگنه سینده سیخیلان آذربایجان خلقنین گله جگینی اونون کچمشندن داها سعادتلی و داها پارلاق ایده ن و اونی بیر اووچ خاینلر اسارتندن قورتاران بو گون آذربایجان خلقنین باشیندا دوران تازه دموقرات فرقه سی اولاجاقدر.

بیز قزوینده یاشیان آذربایجانلیلار تبریزده تشکیل اولونمیش دموقرات فرقه سنین چاغریشینی برسسله آلقیشلایاراق اونا موفقیتلر آرزو ایدیری.

یداله نباتی-کریم سامکی-علی حقیری-سلیم تلورثی-علی سلیدانی-سلیمان آوازی-ابراهیم مهردو ایرانی-امان رحمان-خیراله سیف الله زاده-حمزه دانیائی-حاجی فرزند میرزا-شکور سیف الله زاده-محمد حقیری-نورعلی رویدل-خاتم گریگوریان-حکیمه خانم دانیائی-سارا خانم رویدل-زیبنده خانم علی شیرزاده-مریم خانم ماریام-یوسف نجدعلی-صمد آقاخان.

“آذربایجان قزئته سی، شماره 18، مهر10، اوقتیابر2”

قایناق: “قیزیل صحیفه لر”، تبریز علمیه مطبعه سی، 1324، ص86

اینترنتی یایینا حاضیرلایان: آرازنیوز آراشدیرما مرکزی امکداشلاری