سون هفته لرده آرازنیوز خبر و یوروم سایتی سوره کلی سیبر سالدیریلارا معروض قالاراق بعضی ساعاتلاردا سایت ایزله ییجیلرین اولاشیمیندان چیخمیشدیر. قوللاندیغیمیز سرورین گئنیشلیغینی آماج آلان بو سالدیریلاری گئدرمک و یارانان سورونو چؤزمک اوچون سایتیمیزین تئکنیک بؤلومو چالیشانلاری داها وئریملی گوونلیک پاکتلرین ایشله دیلمه سی ایله یئنی سروره داشینماغیمیز اوزره چالیشماقدالار. بو اوزدن بعضی ساعاتلاردا آرازنیوز یوروم و خبر سایتی اوخویوجولارین اولاشیمیندان چیخما اولاسیلیغی واردیر. عزیز اوخویوجولاریمیز سایتیمیزا اولاشامادیقلاری زامانلاردا اکیبیمیز طرفیندن حاضیرلانان سون خبر و یوروملاری تلگرام کانالیمیز و فیسبوک صفحه میزدن اوخویا بیلرلر. آرازنیوز امکداشلاری گونئی آزربایجان تورکو اینسانی نین سویچو سیاستلره قارشی بیلینجلندیریلمه سی ایلکه سینین اؤنملی اولدوغونو دوشونه رک گونئی آزربایجان میللی حرکتی اولکولری یولوندا بوتون صداقت و گوجو ایله مئدیا و ژورنالیزم ساحه سینده چالیشماسینا دوام ائدیب ان قیسا زاماندا بو سورونون چؤزوله جه یینی بیلدیرمکده دیر.