عراق تورکمنلری خوجالی سویقیریمینی آنکارادا آندیلار
![عراق تورکمنلری خوجالی سویقیریمینی آنکارادا آندیلار عراق تورکمنلری خوجالی سویقیریمینی آنکارادا آندیلار](https://www.araznews.org/fa/wp-content/uploads/2017/02/16707200_10210192495146767_388667710_n.jpg)
عراق تورکمنلری خوجالی سویقیریمینی آنکارادا آندیلار
فئورال آیینین ۱۱ینده -۲۳ بهمن- ((ایراق تورکلری مدنیت و یاردیملاشما درنگی)) آنکارا شعبهسی مرکزینده خوجالی سوی قیریمینین ۲۵ ایللیگینه حصر اولونموش آنیم کونفرانسی تشکیل اولوندو.
بو حاقدا تدبیرین تشبوثچوسو تاریخچی جاوید مؤوسوملو بیلدیریب: ((عراق تورکلری مدنیت و یاردیملاشما درنیگینین)) تشکیلاتچیلیغی ایله گئرچکلشن ((خوجالی سوی قیریمی))نین آنما پروقرامیندا آنکارادا یاشایان عراق تورکمنلری، آزربایجان تورکلری، تورکیه تورکلری، فرقلی تشکیلات و مطبوعات تمثیلچیلری ایشتیراک ائدیبلر.
کونفرانس خوجالی سویقیریمی و بوتون تورکمن، آزربایجان، تورکیه شهیدلرینین عزیز خاطرهلری بیر دقیقهلیک سوکوتلا یاد ائدیلرک، فاتیحه اوخونماسی ایله باشلاندی. داها سونرا قوناقلارا خوجالی سویقیریمینی آنلاتان قیسا فیلم ایزلدیلدی.
تورکمن ائلی تی-وی آنکارا تمثیلچیسی، تورکمن ائلی شاعری قانیم قصاب اوغلونون آپاریجیلیغی ایله داوام ائدن کونفرانسدا ((تلعفر مدنیت مرکزینین ادبیات و اینج صنعت درنگی شعبهسی))نین مودورو، تورکمن ائلی شاعری مقداد هَودی اوغلو، آذربایجانلی تاریخچی جاوید مؤوسوملو، ((ایراق تورکلری مدنیت و یاردیملاشما درنگی)) آنکارا شعبهسینین صدری عباس تورکمن خوجالی سویقیریمی مؤوضوع سوندا چیخیش ائتدیلر. کونفرانسین دعوتلی معروضهچیسی جاوید مؤوسوملو اؤز چیخیشینین سونوندا عراق تورکمن لرینه قارداشلاری اولان آزربایجانلیلارین آجیسینا شریک چیخدیقلاری اوچون اؤز خالقی آدینا تشککور ائدیب و بو یاخشیلیغی آزربایجانلیلارین هئچ بیر زامان اونوتمایاجاغینی سؤیلهییب. اؤز نؤوبهسینده درنگین آنکارا شعبهسینین صدری عباس تورکمن ده تدبیرین تشکیلاتچیلیغیندا امگی کئچن هر کسه تشککور ائتدیکدن سونرا بیلدیریب کی، عراق تورکلری هر زامان جانی بیر، قانی بیر آزربایجانلی قارداشلارینین یانیندا اولماغا حاضیردیلار.
تدبیر سونوندا ((تورکمن ائلی تی وی)) کونفرانسدا ایشتیراک ائدن آذربایجانلی قوناقلاردان موصاحیبه آلیب. موصاحیبهده ایشتیراک ائدن تاریخچی-ژورنالیست مه پاره سولطانووا دوزنلنن تدبیرین اهمیتیندن، اصلیتا شوشادان اولوب، آنکارادا تحصیل آلان هومای نسیبووا ایسه قاراباغلا باغلی فاجعهلی خاطرهلریندن دانیشیبلار. سوندا خاطره شکیللری چکیلیب.
قایناق: BAO.AZ