ارمنی‌لرین ایشغالیندا اولان بوتون اراضی‌لر آذربایجانا قایتاریلیر
ایلک مرحله‌ده آغدام، فوضولی، جبراییل، زنگیلان و قوبادلی بؤلگه‌لری قایتاریلیر و سونرا‌دان کلبجر و لاچین بؤلگه‌سی‌نین بیر بؤلوموده آذربایجانین نظارتینه کئچه‌جک.
یول‌پرس خبر آزانسئنا ایستینادن، داغ‌لیق قاراباغی احاطه ائدن و ارمنی‌لرین نظارتینده اولان بوتون اراضی‌لر آذربایجانین نظارتینه وئریلیر. تورپاق‌لارین تحویل وئریلمه‌سی صولح سازیشینده راضی‌لاش‌دیریلا‌جاق.
بو باره‌ده ارمنی “Ani” تدقیقات مرکزی‌نین درج ائتدیردیگی معروضه‌ده دئییلیر.
بو بیلدیری ایشغال آلتیندا اولان تورپاق‌لارین آذربایجانا قایتاریلماسی‌نین دیتالارینی عکس ائتدیریر و آرتیق ارمنیستان دیش ایش‌لر باخانلیغی (وزارت امور خارجه) بو سنه‌ده عکس‌العمل بیلدیریب. دیش ایش‌لر باخانلیغیندان عصبی طرزده قئید اولونوب کی، بو اوزمان‌لارین ایشی‌نین نتیجه‌سی‌دیر.
بونونلا بیرلیکده، ارمنی اوزمان‌لار دیتالاری‌دا نظره چاتدیریب‌لار. بئله معلوم اولوب کی، ایلک مرحله‌ده آغدام، فضولی، جبراییل، زنگیلان و قوبادلی بؤلگه‌لری قایتاریلیر.
سونرا‌دان کلبجر و لاچین بؤلگه‌سی‌نین بیر بؤلوموده آذربایجانین نظارتینه کئچه‌جک. بورادا سؤزو گئدن تورپاق‌لار ارمنیستانی داغ‌لیق قاراباغا بیرلش‌دیرن دهلیزین اوزرینده اولمایان تورپاق‌لاردیر.
