آنکاراʹنین یونس امره کولتور مرکزی سالونوندا گونئی آزربایجان و تورک دونیاسیʹنین اونلو اوزانی آراز ائلسسʹین کنسرتی گئچیریلدی. کنسرت اوچ ماییس تورکچولر بایرامی مناسبیتی ایله اؤتوکن درگیسی آنکارا تمثیلجیلیغی طرفیندن دوزنلنمیشدی. آراز ائلسسʹدن اؤنجه آزربایجانلی شاعر رستم بهرودی تورک بیرلیگی ایله ایلگیلی شعرلرینی اوخودو. رستم بهرودیʹدن سونرا تورکییهʹلی اوزان بیلگه جان طاها ساراچ صحنه یه چیخدی و تورکولر ایفا ائتدی. آراز ائلسس صحنه یه چیخدیغی زامان سالندا اولانلار بؤیوک بیر جوشقویلا آراز ائلسسʹی قارشیلادیلار و آراز ائلسسʹین ایفاسینین سونونا قدر بو جوشقو دوام ائتدی.