پ.ک.ک تئرور تشکیلاتی قاراباغا ۴۰۰ تئرورچو گؤنده‌ردی
سون گون‌لر جیبهه‌ده باش وئرن حادثه‌‌لردن سونرا ائرمنیستان اوردوسو جیدی ایتگی‌لرله اوزله‌شیب. اونلارجا ساواشچی‌سی‌نی ایتیرن اوردو سیرالاریندا عسگر چاتیشمازلیغی اؤزونو آچیق-آیدین گورسه‌دیر.
ائرمنیستان طرفی بؤیوک ایتکی‌لر وئردیک‌دن سونرا آرتیق اوردویا قوجالاری‌دا جیبهه‌یه چکمه‌یه باشلاییب‌لار. گؤرونن بودورکی، اوردویا جلب ائدیلن مولکی شخص‌لرین چوخولوغو یاشی آتمیشی گئچمیش آیاق اوسته گوجله دایانان آغ‌ساققال‌لاردیر. یاشلی‌لاری بئله مجبوری شکیل‌ده تماس خطتینه ییغماغا باشلایان ائرمنیستان اؤز ایسته‌یینه ناییل اولا بیلمه‌دییینی گؤردوک‌ده تئرور تشکیلات‌لارینا اوز توتوب. پ.ک.ک تئرور تشکیلاتی ائرمنیستانا دستک مقصدیله ۴۰۰ سیلاحلی گؤنده‌ریب.
یول-پرسین تورکییه مطبوعاتینا ایستینادلا وئردییی معلوماتا گؤره، جبهه‌ده وضعیتین گرگینلشدییی ایلک گوندن- آپریلین-۲دن بو یانا تئرورچولار بولگه‌یه گؤندریلمه‌یه باشلانیلیب.
بو تئرورچولار قندیل‌داغی و قامیشلی‌داکی سوریه کمپلرین‌دن چیخاراق آغری‌داغی اراضیزیسیندن ائرمنیستانا کئچیبلر.
تئرورچولار گؤیچه‌گؤلو اطرافیندا پ.ک.ک اوچون آیریلان واردئانس کمپلرین‌ده یئرلشدیریلیب‌لر.اونلار واردئانس کمپلرین‌ده داها اؤنجه بورا گلن ۸۰ کیشیله بیرلشیبلر.
ائرمنیستانا تئرورچولار گؤنده‌رمه پیلانینا رهبرلیک ائدن شخص تورکییه‌نین تونجلی شهرینده دوغولان بئسی هوزات آدلی پ.ک.ک اویه‌سی‌دیر.
تماس خطتینه گؤندریلن تئرورچولار آراسیندا پ.ک.کنین سورییه قولو اولان پ.ی.د سیرالاریندا ساواشان ۱۵۰ ائرمنی‌ده وار .
قاراباغدا وضعیّت گرگینلشدییی اوچون تئرورچولاردا آذربایجانین ایشغال آلتیندا اولان بؤلگه‌لرینه گؤندریلیب‌لر. معلوماتا گؤره، داغلیق قاراباغا گؤنده‌ریلن ائرمنی‌لر آذربایجانین ۳ ایلچه‌سینده یئرلشدیریلیب. بونلار شوشا، لاچین و کلبجردیر. بورادان ایسه تماس خطتینه داها یاخین اولان و دؤیوشلر گئدن آغدام، جبرائیل، زنگیلان و فوضولی‌یه گؤنده‌ریلیب‌لر.
پ.ک.ک تعلیماتی ایله گؤنده‌ریلن تئرورچولار آراسیندا بومبا ساحه‌سینده تعلیم گؤرنلر داها چوخدور.
قایناق:یول-پرس
