آنادولودان آذربایجانا، بیر قهرمانلیق اؤیکوسو
نوری پاشا و قهرمان تورک اوردوسونا سلام اولسون، نور ایچینده یاتسینلار!
تام ۹٥ ایل اؤنجه باکی‌نین قورتولوشو اوچون ساواشان تورک عسگرلری اونودولمادی. تورک قافقاز اسلام اوردوسونون جان‌لاری باهاسینا مباریزه‌سی آذربایجاندا بیر چوخ ائتکینلیکله آنیلدی.
ایل ۱۹۱۸ …قافقاز، اؤزللیکله ده آذربایجان قان آغلاییر. روس دستک‌لی ارمنی چته‌لری آذربایجان جغرافیاسیندا تام بیر قیرغین گرچکلشدیردی. یالنیز تورک اولدوغو اوچون مین‌لرجه معصوم انسان قیلینج‌دان گئچیریلدی. او دؤورده چتین شرط‌لر آلتیندا اولماسینا باخمایا‌راق عثمانلی امپراتورلوغو آذربایجانا کؤمک الینی اوزاتدی. نوری پاشا امرین‌دکی تورک قافقاز اسلام اوردوسو آذربایجانا گؤندریلدی.
اؤنجه گنجه، آردین‌دان دا ۱٥ سپتامبر ۱۹۱۸ تاریخینده باکی؛ روس، ارمنی و اینگیلیس بیرلیک‌لرین‌دن اولوشان اوردونون ایشغالین‌دان قورتاریلدی. آذربایجان‌لی‌لار عهده وفا گؤستردی و او گون‌لری اونوتمادی. نوری پاشا و تورک عسگرلری‌نین جانلاندیریلدیغی بیر چوخ فعالیت تشکیل ائدیلدی.
۱۹۱۸.جی ایلده یازیلان حماسه گون یوزونه چیخاریلدی. فاضیل مصطفی‌یئوین گیریشیمی و میللت وکیل‌لری‌نین ده دستیی ایله پرزیدنت ایلهام علی‌یئوه چاتدیریلماق اوزره بیر دیلکچه حاضرلاندی.
دیلکچه‌ده علی‌یئو‌دن، ۱٥ سپتامبر باکی‌نین قورتولوشونون رسمی بیر گون اعلان ائدیلمه‌سی، آذربایجاندا بیر مسجیده، بیر حربی اوخولا و بؤیوک بیر کوچه‌یه نوری پاشانین آدی‌نین وئریلمه‌سی و نوری پاشانین ۱۹۱۸.جی ایلده یازدیغی حماسه‌نین آذربایجان تاریخ کیتاب‌لاریندا یئر آلماسی ایسته‌نیلدی.
تى آر تى توركى
در همین زمینه
