یونئسکو باش یازمانی «ایرینا بوْکوْوا»نین مئساژی تورکجه دیلینده
یونئسکو باش یازمانی «اێرینا بوْکوْوا»نین میللت‌لر آراسی آنا دیلی گۆنو ایله باغلی مئساژی
“تۆرکیه تۆرکجه‌سیندن آذربایجان تۆرکجه‌سینه اۇیغونلاشدیران: یاسیر رنجبری(ساوالان)”
۲۰۱۶ میللت‌لر آراسی آنا دیلی گۆنونون قوْنوسونو «کیفیت‌لی اَییدیم(تربییت)، اؤیره‌دیم(تدریس) دیل‌لری و اؤیره‌نیم(تحصیل) چێخیش‌لاری» اوْلوشدورماقدادیر. بۇ، آنا دیلی‌نین کیفیت‌لی اَییدیم و دیل چئشیدلیلی‌یی اۆچون یئنی ۲۰۳۰ سۆردوروله‌بیلر قالخینما گۆندمی‌نین ایره‌لییه داشینماسینداکی اؤنمی‌نین آلتینا جێزیق چکمکده‌دیر(اؤنَمینی وۇرغولاماقدادیر). سۆردوروله‌بیلر قالخینما(دوام ائتدیریله‌بیلر اینکیشاف) ۴- جۆ آماجیندا، ۲۰۳۰ گۆندَمی هر قادین و کیشی‌نین اؤز توْپلوم‌لارینا تام اوْلاراق قاتیلا بیلمه‌لری و ایسته‌دیکلرینی گئرچکلشدیره بیلمه‌لری اۆچون لازیم اوْلان بیلگی ، باجاریق و دیَرلری الده ائتمه‌سینی ساغلایان، هر کس اۆچون کیفیت‌لی اَییدیم و یاشام بوْیو اؤیرنمه‌یه متمرکز اوْلماقدادیر(اوْجاقلانماقدادیر). بۇ آماج؛ آزینلیق‌لار، یئرَل خالق‌لار و کند اهالی ایله بیرلیکده اؤزللیکله قێز اۇشاق‌لاری و قادین‌لار اۆچون اؤنملیدیر. بۇ آماج آیریجا ۲۰۳۰ گۆندمی‌نین تطبیق اوْلونماسیندا(اۇیغولانماسیندا) بیر یوْل نقشه‌سی اوْلان، اَییدیم و اؤیره‌دیمده(تربیت و تعلیم) آنا دیلی‌نین قۇللانیمینا سایغی، دیل چئشیدلیلی‌یی‌نین قوْرونماسی و سۆردورولمه‌سینی آلقیشلایان یونئسکو`نون اَییدیم ۲۰۳۰ ائیلم پلانیندا دا یانسیدیلماقدادیر.
چوْخ دیللیلیک بۇ آماج‌لارین اؤنه چێخاریلماسیندا اساسدیر. بۇ، ۲۰۳۰ گۆندمی ایچریسینده ایقلیم دیَیشیکلی‌یی، سۆردوروله‌بیلر مصرف(تۆکه‌دیم) و توْلید(اۆره‌دیم) ایله بیرلیکده بؤیومه، اشتغال و ساغلاملیغا باغلی باشاری اۆچون یاشامی اؤنم داشیماقدادیر. یونئسکو مئدیا و بیلگی ساوادلیلیغی‌نین یانی‌سیرا ایلگیلی یئرلی مضمونو دستکله‌یه‌رک اینترنتده دیل چئشیدلیلی‌یی‌نین گلیشدیریلمه‌سینه عینی شکیلده تمرکز ائتمکده‌دیر. یئرَل و یئرلی(محلی و بومی) بیلگی سیستملری برنامه‌سی آراجیلیغییلا، یونئسکو آنا دیلی‌نین و یئرل دیل‌لرین بؤیوک بیلگه‌لیک(مۆدریکلیک) تجروبه‌لری اوْلان یئرلی مدنیتلرین و بیلگی‌نین قوْرونماسی و پایلاشیلماسی کاناللاری اوْلاراق اؤنمی‌نین آلتینا جێزیق چکمکده‌دیر. چوْخ دیللی یاناشمادا آنا دیل‌لر، قادین‌لارین، کیشی‌لرین و توْپلوملاری‌نین گۆجلندیریلمه‌سی اۆچون تمل اوْلان کیفیت‌لی اَییدیمین(تربیتین) آیریلماز پارچالاریدیر. بیزلر ده کیمسه‌نی گئریده بۇراخماماق و هر کس اۆچون داها عدالتلی و سۆردوروله‌بیلر بیر گله‌جک یاراتماق آماجییلا بۇ گۆجو تانیمالی و بسله‌مه‌لی‌ییک.
در همین زمینه
